اسلام آباد۔23نومبر (اے پی پی): بنجاھی تہی کارانی وزیر محسن نقوی ءَ گوشت کہ 24نومبر ءَ بیلاروس ءِ ڈل ءِ تر ءُ تاب ءُ 25نومبر ءَ بیلاروس ءِ صدر ءِ پاکستان ءِ تر ءُ تاب ءِ رد ءَ اسلام آباد ءَ را ھمک رنگ ءَ ایمن کنگ بیت۔ .ءُ ہرکس کہ امن ءَ پریشان کنت آ دزگیر کنگ بیت، اے رندی اسلام آباد ءَ کسے کہ قانون ءَ وتی دست ءَ بہ زوریت آئی ءَ را پدا روگ ءِ اجازت نہ بیت۔ فدرال وزیر تہی کار شمبے ءِ روچ ءَ پولیس ءِ لیکہ آنی سر ءَ سر بوتگ تانکہ پولیس ءِ روحانیت ءَ را گیش کنگ بہ بیت۔ آئی ءَ امن ءِ برجائی ءِ واستہ اسلام آباد پولیس ءِ کوشست آناں ساڑات۔ اے موہ ءِ سر ءَ بنجاھی تہی کارانی وزیر محسن نقوی ءَ پولیس لائنز ءَ تران کنان ءَ گوشت کہ 24 نومبر ءَ بیلاروس ءِ ڈل ءُ 25 نومبر ءَ بیلاروس ءِ صدر پاکستان ءِ تر ءُ تاب ءَ انت ایشی ءِ رد ءَ مارا اسلام آباد ءِ شہر ءَ را سرجم ءَ ایمن دارگی انت ۔ ھرچ ءُ درچ ، پولیس ءِ فورس ءَ یک ٹیم ءِ بستار ءَ یکجاہ کار کنگی اِنت کہ اسلام آباد ءَ را ایمن ءُ ایمنی بہ دار اِیت۔ محسن نقوی ءَ گشتگ ہرکس کہ اسلام آباد ءِ قانون ءُ امن ءَ پریشان کنت آ دزگیر کنگ بیت، اے رندی اسلام آباد ءَ ہرکس کہ قانون ءَ وتی دست ءَ بہ زوریت آ پدا روگ ءِ موہ نہ دیگ بیت۔ آئی ءَ گوشت کہ مردم آنی جان مئے واستہ سک گران انت۔ محسن نقوی ءَ گوشت کہ پولیس ءُ کانود ءِ کارندہ آنی جان سک گران انت۔ آئی ءَ ہدایت کت کہ ڈیوٹی ءِ وھد ءَ شمارا درستیں حفاظتی سامان پوشگ بہ بنت ءُ درستیں احتیاطی گامگیج زورگ بہ بنت، پولیس فورس ءَ را وتی زمہ واری ءِ پیلو کنگ ءِ ھاتر ءَ ہیلمٹ ءُ حفاظتی جیکٹ پوشگی انت آئی ءَ گوشت کہ ما شمئے گوما اوشتاتگیں ءُ مدام شمئے گوما اوشتاتگیں مانیت۔ اے رندی آ بنجاھی دارالحکومت ءِ امن ءُ ایمنی ءِ جاوراں کس ءَ را پریشان کنگ ءِ اجازت نہ دنت، امن ءُ ایمنی ءِ برجائی ءُ شہری آنی جان ءُ مال ءِ رکھینگ ءِ ھاترا ھرچ وڑیں گامگیج چست کنگ بیت۔ اے موہ ءَ آئی جی اسلام آباد پولیس، چیف کمشنر اسلام آباد، ڈی آئی جی اسلام آباد پولیس ءُ پولیس ءِ مزنیں کساس ءَ افسر ھم ساڑی بوتگ انت۔
