اسلام آباد۔22نومبر (اے پی پی): بنجاھی وزیر تجارت جام کمال خان ءِ سروکی ءَ مزن تک ءِ دیوان ءَ پاکستان ءِ سہ ماہی تجارت ءِ کچ ءُ کساس آنی چار ءُ تپاسی ءَ کت۔ جمعہ ءِ روچ ءَ جاڑی بوتگیں جار ءِ رد ءَ دیوان ءَ بنجاھی وزیر تجارت ءَ را میاں اوستمانی تجارت ءِ نوکیں رجحان ءُ برآمدات ءَ را گیش کنگ ءِ واستہ جوڑ کنگ بوتگیں حکمت عملی ءِ بابت ءَ سرپد کنگ بوتگ۔ گند ءُ نند ءِ ساھت ءَ کامرس ءِ حکام ءَ کلیدی تجارتی شریک آنی گوما تجارتی کارکردگی ءِ سرجمیں چار ءُ تپاسی کتگ، بنجاھی وزیر ءَ را نوکیں برآمداتی منزل ءُ نوکیں برآمداتی چیز آنی بابت ءَ سرپد کتگ۔ بریفنگ ءِ تہ ءَ مارکیٹ ءِ رسائی ءَ را گیش کنگ ءُ تجارت ءِ تہ ءَ تکنیکی رکاوٹ آناں دور کنگ ءِ واستہ عملی سوج ھم ھوار کنگ بنت ءُ پاکستانی پیداوار آناں جھان ءِ مارکیٹ آنی تہ ءَ سر بوھگ ءِ ھاترا چے پیم ءَ توانمند کنگ ءِ سر ءَ ھم زندگیں گپ ءُ تران کنگ بیت۔ دیوان ءَ درائیں سبب آنی اثر آنی سر ءَ ھم تران کنگ بیت، ایشی ءِ تہ ءَ جھان ءِ اقتصادی اتار چڑھاؤ ءُ جیو پولیٹیکل عدم استحکام ھوار اِنت ءُ اے چیلنج آناں کم کنگ ءُ برآمدات ءِ دیمروئی ءَ را برجائی ءِ واستہ حکمت عملی آنی سر ءَ ھیال ءُ لیکہ کنگ بیت۔ جام کمال ءَ کامرس ءِ افسر آنی کوشست آناں ساڑات ءُ مزن وزیر شہباز شریف ءِ برآمدات ءِ سر ءَ مبنی دیمروئی ءِ حکمت عملی ءِ وژن ءَ را دیم ءَ برگ ءِ واستہ وزارت ءِ تجارت ءِ مرکزی کرد ءِ سر ءَ زور پر دات۔ آئی ءَ گوشت کہ مئے معیشت ءِ وشھالی ءِ مھکمیں ایکسپورٹ بنجاہ ءِ سر ءَ بندوک اِنت۔ اے رد ءَ صوبہ ءُ سیادی داروکیں محکمہ آنی ھواریں درستیں سٹیک ہولڈر آنی نیمگ ءَ چہ جدی عزم ءُ تعاونی کوشست آنی لوٹ کنگ بیت۔ جام کمال ءَ برآمداتی دیمروئی ءِ حکمت عملی ءِ سر ءَ سنجیدگی ءَ گوں عمل درآمد ءِ ارزشت ءِ سر ءَ زور پر دات ءُ پاکستان ءِ سرجمیں تجارتی گنجائش ءَ را کارمرد کنگ ءِ واستہ درستیں شوبگ آناں یکجائی ءَ کار کنگ ءِ سر ءَ زور پر دات۔ آئی ءَ گوشت کہ ما جھان ءِ تک ءَ وتی مارکیٹ ءِ بھر ءَ را گیش کنگ ءِ واستہ پیداواری رنگ ءَ کار کنگ لوٹ ایت ءُ اے گپ ءَ را دل یکیمی کنگ لوٹ ایت کہ مئے برآمدات اقتصادی دیمروئی ءِ ڈرائیونگ فورس جوڑ بہ بنت جی اے ٹی ٹی ءَ اقتصادی دیمروئی ءِ ھاترا یکجاھیں رپک ءِ ضلورت ءِ سر ءَ زور پر دات۔
