اسلام آباد۔22نومبر (اے پی پی): صدر آصف علی زرداری ءَ بلوچستان ءَ ناشرکارانی ھلاپ ءَ سیکورٹی فورسز ءِ توسیپ کتگ ءُ گشتگ کہ آ صوبہ ءِ امن ءُ ایمنی ءَ را ھراب کنگ ءَ چہ ناشرکاراں بہ دار ۔ جمعہ ءِ روچ ءَ صدر ءِ مملکت گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ آواران، ڈیرہ بگٹی ءُ کیچ ءِ دمگ ءَ ناشرکار آنی ھلاپ ءَ سیکورٹی فورسز ءِ کاروائی ساڑاتگ اَنت۔ ریاست ءِ صدر ءَ گوشت کہ سیکورٹی فورسز ءَ بلوچستان ءَ جتاجتائیں آپریشن آنی تہ ءَ دلیری ءَ گوں 4 ناشرکار کشتگ اَنت۔ آئی ءَ گوشت کہ آوا ناں بلوچستان ءِ امن ءُ ایمنی ءَ را لگت مال کنگ ءِ موہ نہ دیاں، ناشرکار ملک ءِ دیمروئی ءَ را متاثر کن اَنت ءُ راج دژمنیں مردم آناں کجام ھم جاوراں واکدار کنگ ءِ موہ نہ دیاں۔ آصف علی زرداری ءَ گوشت کہ ناشرکاری ءِ ھلاپ ءَ فورسز ءِ کارروائی لائکیں گہتری انت۔ ریاست ءِ صدر ءَ ناشرکاری ءِ ھلاپ ءَ کارروائی آناں برجاہ دارگ ءِ راجی جزم ءِ ھم پدر کت۔
