اسلام آباد۔21نومبر (اے پی پی): درئی کارانی کارگس ءِ جارچین ممتاز زہرہ بلوچ ءَ گشتگ کہ سپین سینیٹ ءِ دری کارانی وزیر ءِ مزن تک ءِ پارلیمانی ڈل ءَ 13 نومبر ءَ بگر داں 19 نومبر ءَ پاکستان ءِ تر ءُ تاب کتگ، پنچ شمبے ءِ روچ ءَ ادا پریس بریفنگ ءَ گوشت۔ جارکش ءَ گوشت کہ سپین ءِ ڈل ءَ راجی اسمبلی ءِ سپیکر سردار ایاز صادق، گورنر پنجاب سردار سلیم حیدر خان، سر وزیر پنجاب مریم نواز شریف، سپیکر پنجاب اسمبلی ملک محمد احمد خان ءُ سیکرٹری درئی کار آمنہ بلوچ ءَ گوں گند ءُ نند کت۔ اے گند ءُ نند ءَ پریک آں دو نیمگی یکوئی آنی برجائیءُ تجارت، رمایہکاری ءُ سیل ءُ سواد ءِ دیمفروئی دیگ ءِ ھوالگ ءَ تپاک کت۔ ترجمان ءَ گوشت کہ پریک آں وانگ ءُ زانگ، کشت ءُ کشار، جوانیں ھاٹیگ ، موسمی مٹ ءُ بدلی، ڈیزاسٹر رسک مینجمنٹ جاور نی آنی گر ءُ دار ءَ را ودینگ ءَ ھوار دو نیمگی یکوئی ءُ الس آنی رابطہ آنی دیمروئیدیگ ءِ پارلیمانی دزگٹی ءِ پازیٹیو رند پد آناں نوٹ کنان ءَ دوئیں ملک آنی نیام ءَ دو نیمگی یکوئیآناں گیش مھکم کنگ ءِ واستہ پارلیمانی روگ ءُ آیگ ءُ مک آناں جاڑی دارگ ءِ جزم ءِ درشان کت۔
