اسلام آباد۔ 21 نومبر (اے پی پی) وزیراعظم نا کوآرڈی نیٹر جان جوڑی ڈاکٹر مختار احمد بھرتھ پارینے کہ جان جوڑی نا رکھ انا قومی لائحہ عمل 2024-28ملک انا جان جوڑ آخبت نا کنڈآ سفر اٹ اہم ءُ مزل نا نشان اسے، نیشنل ایکشن پلان ہر پاکستانی نا رکھ، جان جوڑی و شونہالی ءِ پک کننگ کن حکومتی عزم انا درشانی ءِ۔ داخیال آتا درشانی ءِ او پنچ شنبے نادے آ داڑے جان جوڑی نا رکھ انا قومی لائحہ عمل 2024-2028نا بارواٹی دود آن تران کرساکرے۔ ڈاکٹر مختار احمد بھرتھ پارے کہ جان جوڑی نا رکھ انا قومی لائحہ عمل جان جوڑ آخبت نا کنڈآ پاکستان نا سفر اٹ اہم ءُ مزل نا نشان و جان جوڑی نا رکھ انا بارواٹی قومی ڈٹ انا تکنیکی دستاویز ہیلتھ سیکورٹی کن پالیسی فریم ورک اس ہم ارے۔ اوپارے کہ نیشنل ایکشن پلان ہرپاکستانی نا رکھ، جان جوڑی و شونہالی ءِ پک کننگ کن حکومتی عزم انا درشانی ءِ۔ جان جوڑی نا رکھ انا بارواٹی قومی لائحہ عمل نا مسخت پاکستان نا گیشتر قومی جان جوڑی نا وژن تون ہم ہم گرنچ ءِ۔ ڈاکٹر مختار احمد بھرتھ پارے کہ جا ن جوڑی نا رکھ ءِ اولیت تننگ زرگزرانی سوگوی و راجی آسودہی نا سوب جوڑ مریک۔ نیشنل ایکشن پلان ہیلتھ سیکورٹی نا جوان دستاویز اٹی قومی و صوبائی کہول آتیکن آپریشنل ڈٹ آک اوار ءُ۔ آپریشنل ڈٹ آک بروک آ پنچ سال اکن مون آ ہِننگ نا کسر جوڑ کیرہ، لائحہ عمل نا دستاویز اٹی قومی جان جوڑی نا سلامتی نا دوئی کننگ کن راہشون اصول تیار کننگانے۔ ڈاکٹر مختار احمد بھرتھ پارے کہ تکنیکی کمکاری آ برطانیہ نا حکومت و پاکستان اٹ برطانوی ہائی کمیشن نا منت واری ءِ ہرفیوہ، اوپارے کہ جان جوڑی نا رکھ انا بارواٹی قومی ڈٹ آتیا عملدرآمد اٹی گڈ گورننس نا اصول آتے سوگوی تننگ و گچین زمواری المی ءِ، نن جان جوڑی نا غٹ ڈٹ آتیا شفافیت ، جوابدہی و شمولیت ءِ برقرارتخسا عملی دروشم اس ایتنہ، سوگو فریم ورک اٹ زرکاری نا کمک اٹ غٹ شاری تیکن اسہ جان جوڑ، رکھوک آخبت اسے نا کسر ءِ آوار کننگ ءِ۔ ڈاکٹر مختار احمد بھرتھ پارے کہ جان جوڑی نا رکھ انا تینا اہم شریدار و جہانی کمکی ادارہ و جہانی ادارہ جان جوڑی نا منت وار اُن۔
