باکو۔ 21 نومبر (اے پی پی) بنجائی وزیر مواصلات ، نجکاری و زرکاری بور ڈ عبدالعلیم خان پارینے کہ موسمیاتی بدلی مچ آ دنیا کن چیلنج، پدتموک آ ملک آتے زیات گام گیج کننگ نا گرج ءِ داہیت انا درشانی ءِ او پنچ شنبے نادے آ باکو ٹی کوپ 29 نا سیشن’’ ڈیجیٹل مڈل کوریڈور اینڈ بیانڈ و منسٹریل راؤنڈ ٹیبل کانفرنس‘‘ اٹی بشخ ہلنگ نا وخت اٹی کرے۔ منسٹریل راؤنڈ ٹیبل نشست آن آذربائیجان نا وزیر ٹرانسپورٹ راشد نبی اوف بنائی تران کرے۔ منسٹریل راؤنڈٹیبل نشست اٹی شریک ملک آتا وزیر آتا کنڈآن چندی سلاہ پیش کننگا۔ بنجائی وزیر مواصلات عبدالعلیم خان نا پاکستان نا کنڈآن باکو ٹی دافورم نا اڈتننگ ستاکڑزک۔ اوپارے کہ داوڑنا گام فیصلہ سازی ، آزموندہ غاتیان فائدہ ہرفنگ و دیرپاپالیسی تیٹی کمکار مریرہ، ڈیجیٹل مڈل کوریڈور و اینڈ بیانڈ ساڑی آ خواست آتون ہم گرنچ مننگ نا ذریعہ ءِ، پاکستان ایلو ملک آتا آزموندہ غاتیان فائدہ ہرفسا دا بشخ اٹی ترندی اٹ مون آ کاہک۔ بنجائی وزیر پارے کہ ہن و برنا ذریعہ ٹی گرین ٹیکنالوجی نا مون آ دننگ و مول ءِ کم کننگ اہم انگا خواست ءِ، ٹرانسپورٹ کوریڈورز نا ڈیجیٹلائزیشن کون آ پوسکن آ ٹیکنالوجی نا بنا ستاکڑزک، آخبت اٹی آرٹیفیشل انٹیلی جنس و آٹومیشن نا کڑد ءِ گوجالنگ مفک۔ اوپارے کہ آذربائیجان اٹی ٹرانسپورٹ نا بشخ اٹی ڈیجیٹل ڈویلپمنٹ متاثر کن و قابل تقلیدءِ، ترند ترشونداری و رکھ اکن ٹرانسپورٹ نا انٹرنیشنل روٹ آتے زیات آن زیات ڈیجیٹلائز کروئی مریک۔ بنجائی وزیر عبدالعلیم خان نا پاکستان نا کنڈآن ٹرانسپورٹ نا ڈیجیٹلائزیشن اٹی پبی بشخ ہلنگ نا درشانی ءِ کرے۔ اوپارےکہ باکو ، آذربائیجان اٹی ڈیہہ انا ایلو ملک آتا وزیر و مندوبین آتے بخیر اٹ پانہ، دا فورم آن مثبت و قابل عمل سلاہ تتون پاکستان آ پدی کانہ۔
