اسلام آباد۔ 21 نومبر (اے پی پی) بنجائی وزیر صنعت و پیدوار رانا تنویر حسین تون قازقستان نا نائب وزیرخارجہ علی بیک باکاییو اوڑدہی کرے و و تین پہ تینی است خواہی نا امور تیا گپ وتران کرے۔ پنچ شنبے نادے آ مروک آ اوڑدہی ٹی صنعتی وکشاری بشخ اٹی کمکاری آ سرجمی اٹ گپ وتران کننگا، داوخت آ بنجائی وزیر رانا تنویر حسین پارے کہ پاکستان و قازقستان نا نیام اٹ دوستانہ تعلقداریتا ستاءِ کینہ، ہڑتوم آ کنڈآن صنعتی وکشاری کمکاری آ اواری اٹ کاریم کننگ آ امنا کننگا۔ قازقستان نا نائب وزیرخارجہ علی بیک باکاییو پارے کہ قازقستان پاکستان ناکشاری آزموندہ غان فائدہ ہرفنگ نا خواہندار ءِ، بنجائی وزیر صنعت و پیدوار رانا تنویر حسین مستی پارے کہ قازقستان تون واپاری و اقتصادی تعلقداری تے ودفنگ خوانہ۔
