ملک اٹی تیل انا اوسط ہڑدے ئی پیدوار اٹی ہفتہ وار بنداو آ کمتی، گیس اٹی ودکی مس، حوال

اسلام آباد۔ 21 نومبر (اے پی پی) ملک اٹی تیل انا اوسط ہڑدے ئی پیدوار اٹی ہفتہ وار بنداو آ کمتی وخت اس کہ گیس انا پیدوار اٹی ودکی ریکارڈ کننگا۔ پی پی آئی ایس و انڈسٹری نا حساب وکتاب نا رداٹ 16 نومبر آ چٹوک آ ہفتہ ٹی ملک اٹی خام تیل انا اوسط پیدوار 64097 بیرل ریکارڈ کننگا ہرا پیوستہ ہفتہ نا مقابلہ ٹی 4 درسد کم ءُ، پیوستہ ہفتہ ملک اٹی خام تیل انا اوسط ہڑدے ئی پیدوار 66903بیرل ریکارڈ کننگاسس۔ ہندا وڑ 16 نومبر آ چٹوک آ ہفتہ گیس انا اوسط ہڑدے ئی پیدوار 3025 ایم ایم سی ایف ڈی ریکارڈ کننگا ہرا پیوستہ ہفتہ نا مقابلہ ٹی اسہ درسد زیات ءُ، پیوستہ ہفتہ گیس انا اوسط ہڑدے ئی پیدوار 3003 ایم ایم سی ایف ڈی ریکارڈ کننگاسس۔ حساب وکتاب نا رداٹ 16 نومبر آ چٹوک آ ہفتہ ٹی او جی ڈی سی ایل نا خام تیل انا اوسط ہڑدے ئی پیدوار 30117، پی پی ایل 10074 ، پی او ایل 3975وماڑی پیٹرولیم نا 1088 بیرل ریکارڈ کننگا۔ ہندا وڑ 16 نومبر آ چٹوک آ ہفتہ  اوجی ڈی سی ایل نا گیس انا ہڑدے ئی پیدوار 665، پی پی ایل 538، پی اوایل 55 و ماڑی پیٹرولیم نا 900 ایم ایم سی ایف ڈی ریکارڈ کننگا۔