راولپنڈی۔ 21 نومبر (اے پی پی) اینٹی نارکوٹکس فورس درملکی زالبول اسے آن لکھ آ روپئی مالیت نا منشیات دوئی کرے۔ اے این ایف ہیڈکوارٹر راولپنڈی آن جاری سرجم حوال آتا رداٹ اے این ایف جناح انٹرنیشنل بالی پٹ کراچی آ کارروائی کرسا برازیلین زالبول اسے آن 1 کروڑ 39 لکھ روپئی آن زیات مالیت نا 1 کلو 396 گرام کوکین دوئی کرے۔ دوبہ دار درملکی جہاز انا کمک …
اینٹی نارکوٹکس فورس کراچی بالی پٹ آ درملکی زالبول اسے آن کوکین دوئی کرے
گیشتریں ھال
راولپنڈی۔ 21 نومبر (اے پی پی) اینٹی نارکوٹکس فورس درملکی زالبول اسے آن لکھ آ روپئی مالیت نا منشیات دوئی کرے۔ اے این ایف ہیڈکوارٹر راولپنڈی آن جاری سرجم حوال آتا رداٹ اے این ایف جناح انٹرنیشنل بالی پٹ کراچی آ کارروائی کرسا برازیلین زالبول اسے آن 1 کروڑ 39 لکھ روپئی آن زیات مالیت نا 1 کلو 396 گرام کوکین دوئی کرے۔ دوبہ دار درملکی جہاز انا کمک اٹ برازیل آن کراچی آ سرمسوسس۔ پٹنگ آ زالبول ناانڈر گارمنٹس آن کوکین دوئی مس۔ دوبہ دار منشیات آتے مائع حالیت اٹی پلاسٹک نا شاپر آتیٹی شاغسا انڈرگارمنٹس اٹی اودیم کریسس۔ ترجمان پارے کہ دوبہ دار نا برخلاف انسداد منشیات ایکٹ انا رداٹ مقدمہ نوشتہ کرسا مستی جاست وپاست نا بناءِ کننگانے۔ منشیات نا اسمگلنگ کن پوسکن آ وڑوڈول آتا کاریم اٹ اتنگ اے این ایف کن چیلنج اسے آن کم اف۔ اوکان پد ہم اے این ایف منشیات اسمگلنگ نا برخلاف سنبرینگوک ءِ۔
