راولپنڈی۔20نومبر (اے پی پی): بنوں ں ں ءَ سیکورٹی فورسز آں ناشرکاری اُرش ناکام کتگ، سیکورٹی فورسز ءِ بیر گیری کارروائی ءَ 6 ناشرکار بیران بوتگ انت، وھدیکہ 12 سیکورٹی کارندہ تراک ءِ آماچ بوتگ ءُ شہید بوتگ انت۔ آئی ایس پی آر ءِ رد ءَ 19 نومبر 2024 ءَ درائی ءَ بنوں ں ں ءِ دمگ ملی خیل ءَ یکجائی چیک پوسٹ ءِ سر ءَ اُرش کنگ ءِ کوشست کتگ تیرگواری ءِ بدلی ءَ شش درئی ناشرکار بیران بوتگ اَنت۔ سیکورٹی فورسز آنی ارش کنوکیں مردمانی پوسٹ ءِ تہا آیگ ءِ کوشست ناکام کتگ، ایشی ءَ پد درئی ناشرکار پوسٹ ءِ دیوال ءَ گوں دھماکہ کنوکیں چیزاں ٹکر جتگ وت کُشیں تراک ءِ سبب ءَ پوسٹ ءِ سیمسر ءِ دیوال ءِ یک بہرے کپتگ ءُ نزیکیں ماڑی آں تاوان رستگ۔ اے وئیل ءِ تہ ءَ 12 سیکورٹی کارندہ شھید بوتگ اَنت کہ ایشانی تہ ءَ 10 سیکورٹی فورسز ءُ 2 فرنٹیئر کانسٹیبلری ءِ کارندہ ھوار اَنت ۔ آئی ایس پی آر ءِ گشگ انت کہ دمگ ءَ کلیئرنس آپریشن برجاہ انت ءُ اے زھرناکیں کار ءِ ذمہ وار انصاف ءِ پنجگ آں دزگیر کنگ ءُ آرگ بنت۔ پاکستان ءِ سیکورٹی فورسز ءُ کانود ءِ برجا کنگ ءِ ادارگ ناشرکاری ءِ ھوپ ءَ را چہ بُن ءَ کشگ ءِ ھاترا جزم جزمیگ آں۔ مئے دلیریں ورنا آں اے قربانی مئے جزم ءَ گیشتر مھکم کن اَنت۔
