اسلام آباد۔20نومبر (اے پی پی): بنجاھ ی وزیر تہی کار محسن نقوی ءَ سعودی عرب ءِ نائب وزیر تہی کار ڈاکٹر ناصر بن عبدالعزیز الداؤد ءَ گوں گند ءُ نند کتگ، آئی ءِ تہا وت مہ وتی مفاد ءِ جیڈھ، پاکستان ءُ سعودی ءِ سیادی ءِ دیمروئی، فوجی اُرد آنی نیام ءَ کمک، پولیس ءِ ڈل آنی تبادلہ ءُ یکجائی تربیت ءِ جیڈھ آنی سر ءَ گپ ءُ تران کنگ بوتگ، دوئیں ملک آنی نیام ءَ تبادلہ ءِ معاہدے ءِ سر ءَ عمل کنگ ءِ سر ءَ تپاک کنگ بوتگ۔ چار شمبے ءِ روچ ءَ اسلام آباد ءَ برجم داشتگیں اے مزن تک ءِ دیوان ءَ سعودی عرب ءِ سروک نواف بن سعد احمد المالکی ھم اے موہ ءِ سر ءَ ھوار بوتگ۔ وزیر تہی کار محسن نقوی ءَ اسلام آباد ءُ ریاض ءَ را جڑواں شھمک ءِ جار جنگ ءِ تجویز پیش کتگ، ایشی ءِ سر ءَ سعودی وزیر ءَ اے گپ ءِ سر ءَ تپاک کتگ کہ اے درگت ءَ گیش المی ئیں گامگیج چست کنگ بنت۔ گند ءُ نند ءَ پاکستان ءَ چہ فقیراں سعودی عرب ءَ روان دیگ ءِ معافی ءِ سر ءَ کارروائی ءِ بابت ءَ ھم گپ ءُ تران بوتگ۔ وزیر تہی کار ءَ گوشت کہ ای سی ایل ءَ 4300 فقیر آنی نام ھوار کنگ بوتگ۔ آئی ءَ گوشت کہ سعودی عرب ءَ رووکیں گدا آنی ھلاپ ءَ زیرو ٹولرنس پالیشی کنگ بوتگ، اے رنگیں گدا آنی ھلاپ ءَ سرجمیں ملک ءَ موثر کارروائی کنگ بوھگ ءَ انت۔ اے گپ ءِ سر ءَ ھم تپاک کنگ بوت کہ سعودی عرب ءَ 419پاکستانی آنی وطن ءَ واتر کنگ ءِ کانود ءِ کار زوت سرجم کنگ بیت۔ تہی کارانی وزیر محسن نقوی ءَ گوشت کہ سعودی عرب مئے اسلامی براتیں ملک اِنت، آ دو نیمگی کمک ءِ دیمروئی ءِ واستہ ھمک رنگ ءِ کمک ءَ کن اَنت آئی ءَ گوشت کہ سعودی شھمک ی پاکستان ءَ آیگ ءِ واستہ ویزہ ءِ بندش نیست، آ ھمک وھد ءَ لوٹ اَنت آ اتک کن اَنت۔ . بنجاھ ی تہی کار ءِ وزیر محسن نقوی ءَ سعودی عرب ءِ ولی عہد محمد بن سلمان ءِ وژن 2030 ءِ ساڑات کت۔ آئی ءَ گوشت کہ سعودی عرب ءِ استیں سروکی ءَ تاں 2030ءَ تاں اقوام متحدہ ءِ اقتصادی، چاگردی ءُ اقتصادی شوبگ آنی تہ ءَ نامڈار یں بستار ءِ ھاترا سوبین بیت۔ سعودی عرب ءِ نائب وزیر تہی کار ءَ گوشت کہ پاکستان ءِ گوما سک باز نزیکیں سیادی است انت، ایشی ءَ را گیش دیمروئی دیگ لوٹ ایت، وھدیکہ ایڈیشنل سیکرٹری تہی کار ، ھاسیں سیکرٹری تہی کار ، کمانڈنٹ فرنٹیئر ءِ وت مہ وتی تبادلہ ءُ فوجی فورسز ءُ پولیس افسر آنی یکجائی تربیت جاری انت۔ اے موہ ءِ سر ءَ کانسٹیبلری ، چیف کمشنر اسلام آباد ، آئی جی اسلام آباد پولیس ءُ ڈپٹی کمشنر اسلام آباد ھم ساڑی ات ۔
