بنجاھی وزیر سرفراز بگٹی ءَ گوں بنجاھی وزیر مریم نواز ءَ گند ءُ نند کتگ ءُ   صوبگ آنی وت  مہ وتی نزیکی  ءِ ھمگرنچی ءِ دیمروئی ءِ ھوالگ ءَ  ھیال ریچی

لاہور۔20نومبر  (اے پی پی): بلوچستان ءِ سر وزیر سرفراز بگٹی ءَ گوں پنجاب ءِ سر وزیر مریم نواز ءَ گند ءُ نند کت ایشی ءِ تہ ءَ ملک ءِ سرجمیں جاور ھال آنی سر ءَ گپ ءُ تران کت ءُ وت مہ وتی مفاد ءِ جیڈھ آنی سر ءَ ھیال ءُ لیکہ ءِ درشان کت ءُ صوبائی تہ ءَ یکوئی ءِ دیمروئی ءِ واستہ گامگیج کنگ بوت۔ اے موہ ءِ سر ءَ بنجاھی وزیر ءَ تران کنان ءَ گوشت کہ بلوچستان ءَ نشتگیں برات آنی وڑ ءَ ناشرکار ھم بلوچستان ءِ دیمروئی ءِ سر ءَ اثر زورگ لوٹ اَنت۔ بلوچستان ءِ دیمروئی اصل ءَ پاکستان ءِ دیمروئی اِنت آئی ءَ گوشت کہ ناشرکاری ءِ جیڈھ ءِ گیواری ءِ سرجمی ءَ کمک کنگ بیت۔ ما صوبائی تک ءَ وت مہ وتی کمک ءَ را گیش دیمروئی دیگ ءَ ایں ۔ آئی ءَ گوشت کہ پاکستان ءَ دیمروئی ءِ سفر برجاہ بیت۔ راجی یکوئی ءُ صوبگ آنی  وت  مہ وتی نزیکی  ءِ دیمروئی دیگ  ءِ  واستہ یکجائی ءَ کار کن اَنت سر وزیر بلوچستان ءَ گوشت کہ مریم نواز پنجاب ءِ الس ءِ واستہ مثالی ھذمت کنگ ءَ اِنت۔ ملک ءِ دیمروئی ءُ   الس ءِ وشھالی ءِ ھاتر ءَ یک  ٹوھیں گامگیج   ءِ  چیر دستی ءَ کار کنگ اِنت۔