اسلام آباد۔20نومبر (اے پی پی): بنجاھی کانود، انصاف ءُ انسانی حقانی وزیر اعظم نظیر تارڑ ءَ گوشت کہ زھگ مئے راج ءِ مھکم ءُ وشھالی اَنت۔ آئی ءَ اے گپ چار شمبے ءِ روچ ءَ زھگانی میاں اوستمانی روچ ءِ موہ ءَ پاکستان نیشنل کونسل آف آرٹس ءِ نیمگ ءَ برجم داشتگیں زھگانی روچ ءِ مراگش ءَ گوں گشتانک دیان ءَ گوشت۔ مزن وزیر نظیر تارڑ ءَ زھگانی ھک آنی رکھینگ ءُ دیمروئی دیگ ءِ واستہ پاکستان ءِ بے دروریں جزم ءِ یک رندے پد ءَ گوشت۔ آئی ءَ اے سال ءِ بنگپ ”آؤکیں وھد ءِ توار گوشڈار گ“ ءِ رد ءَ زھگانی توار ءِ گوشڈار گ ءِ ارزشت ءِ سر ءَ زور پر دات ءُ گوشت کہ زھگانی توار ءِ گوشڈار گ ءُ آھانی سر ءَ عمل کنگ المی اِنت تانکہ آھاں توانمند کنگ بہ بیت۔ آئی ءَ گوشت کہ زھگ آنی میاں اوستمانی روچ زھگ آنی ھک آنی رکھینگ ءِ عزم ءِ پدا پدر کنگ ءِ روچ اِنت زھگ ایوک ءَ راج ءِ آیوکیں وھد ءِ جوڑ کنگ ءِ یک ھاسیں بھرے ایش اَنت وتی ھک آنی رکھینگ ءُ وتی توار ءِ رکھینگ ءَ را ارزشت دیگ۔ مئے مشترکہ ذمہ واری اِنت۔ زھگاں وتی آیوکیں نسل آنی تہ ءَ ھوار کنگ ءَ چہ یک انصاف ءُ ھواریں چاگرد ءِ جوڑ بوھگ ءِ سبب جوڑ بیت آئی ءَ گوشت کہ موسمیاتی بدلی، صنفی نابرابری، ءُ ڈیٹا ءِ رکھینگ ءِ چیلنج آنی سر ءَ زھگ آنی سر ءَ براہ راست اثر کپیت آئی ءَ ھک آنی دیمروئی ءِ تہ ءَ پاکستان ءِ پیشرفت ءِ ذکر کت۔ کمیشن برائے چائلڈ رائٹس ءُ زینب الرٹ رسپانس اینڈ ریکوری ایجنسی (زارا) ءِ نیمگ ءَ چہ بیگواھیں زھگانی ھاتر ءَ زوتیں کمک ءِ ھاتر ءَ کمک کنگ بیت۔ آئی ءَ عواز ایپ ءُ ٹکن ایٹ ڈاؤن پورٹل ءِ ھم ذکر کت کہ آ زھگ آنی واستہ ایمنیں آن لائن چاگرد ءِ پھجارینگ ءُ آن لائن ھترہ آں گوں جوانیں رنگ ءَ گر ءُ چیل بوھگ ءِ عزم ءِ درشان انت آئی ءَ جتا جتائیں موہ آنی سر ءَ فرق آنی پُل کنگ ءِ کوشست آناں پدر کت۔ حکومت ءِ عزم ءِ سرا درستیں زھگانی واستہ وانگ ءُ زانگ ءُ محرک ماحول ءِ جوڑ کنگ ءِ ھاتر ءَ آئی ءَ وتی گپ ءِ آسر ءَ یک یکجاھیں حکمت عملی ءِ سر ءَ زور پر دات، کہ ھاندان، چاگرد، سول سوسائٹی ءُ نجی شعبہ ءِ شریک آنی نیام ءَ کمک ءِ وسیلگ ءَ اے چاگرد ءِ جوڑ کنگ ءِ ھاتر ءَ کارمرد کنگ بیت کہ اودا زھگ آنی توار گوشڈار گ بہ بیت۔ ، آہانی حق آنی رکھینگ ءُ سیل ءُ سواد ءِ وزیر اعظم نظیر تارڑ ءَ اے امیت سھمک ا کت کہ یکجائی کوشست آنی وسیلگ ءَ پاکستان یک انچیں باندات ءِ جوڑ کت کنت کہ ایشی ءِ تہ ءَ ھمک چ زھگ بے ترس ءُ بیم ءَ دیمروئی کت کنت۔ نیشنل کمیشن فار چائلڈ رائٹس ءِ چیئرمین مس عائشہ رضا فاروق ءَ وتی گشتانک ءِ تہا کمیشن ءِ بے مٹیں کوشست آنی سر ءَ زور پر دات کہ آ زھگ آنی ھک آنی رکھینگ ءِ واستہ کنگ ءَ انت۔ آئی ءَ گوشت کہ این سی آر سی ءَ زھگانی آروس ءُ زھگانی کار ءِ ھلاسی ءِ نیمگ ءَ کانود ءُ سیاسی اصلاحات ءِ واستہ جتا جتائیں گامگیج چست کتگ، سرپدی ءُ سرپدی داتگ، وانگ ءُ زانگ ءُ آن لائن رکھینگ ءِ رسائی ءَ را ممکن جوڑ کنگ ءَ آئی ءَ گوشت کہ زھگانی روچ مارا یات دنت کہ اے مئے روچ اِنت۔ اجتماعی ذمہ واری ءِ سرا دلگوش دیگ بہ بیت کہ پاکستان ءِ ھمک زھگ یک ایمنیں، ھواریں ءُ رھشونی ءِ چاگرد ءَ دیمروئی بہ کنت۔ بیا اِت کہ ما یک انچیں چاگردے ءِ جوڑ کنگ ءِ وعدہ ءَ بہ کنیں کہ اودا زھگانی احترام، رکھینگ ءُ بااختیار کنگ بہ بیت دانکہ آ نہ ایوک ءَ باندا ت ءِ جوڑ کنوک بہ بنت بلکیں مرچیگیں روچ ءَ جوانیں کرد ءِ پیلو کن اَنت۔
