اسلام آباد۔20نومبر (اے پی پی): مزن وزیر محمد شہباز شریف ءَ ضلع بنوں ں ءَ سیکورٹی فورسز ءُ فرنٹیئر کانسٹیبلری فورسز ءِ شہید کنگ ءِ سرا غم ءُ درد ءِ درشانی کتگ ءُ گشتگ کہ راج ءِ الس ءِ قربانی بے سوب نہ روانت۔ الس ءِ جان ءُ مال ءَ را ھترہ ءِ آماچ کنوکیں فتنہ الدرائی ءَ را سک باز گرانیں بھا دیگی اِنت چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ تہ ءَ مزن وزیر محمد شہباز شریف ءَ گوشت کہ سیکورٹی فورسز ءَ… بنوں ں ں ضلع ءِ مالی خالے ءَ تعینات کنگ بوتگ آئی ءَ 6 درئی ناشرکار آناں جہندم ءَ روان داتگ ءُ اے کار ءِ تہا آئی ءَ وتی جان قربان کتگ۔ آئی ءَ گوشت کہ ناشرکار آنی ھلاپ ءَ مئے جنگ ھما وھد ءَ برجاہ مان ایت داں ملک ءَ چہ ناشرکاری ءِ سرجمی ءَ ھلاسی مہ بیت۔ اے ارش ءِ تہ ءَ صوبیڈار عمران احمد فاروقی شہید،حوالڈار محمد جاوید اقبال شہید،نائیک طہماس شہید ،نائیک باسط فرید شہید،سپاہی صفدرعلی شہید ،سپاہی اسد بشیرشہید،سپاہی اعجاز حسین شہید،سپاہی عاطف خان شہید،سپاہی امان اللہ شہید،سپاہی شاہ زمان شہید ،سپاہی حسیب اللہ شہید اورعثمان اللہ شہید ھوار اَنت۔
