اسلام آباد۔ 20 نومبر (اے پی پی) اسپیکر قومی اسمبلی سردار ایا ز صادق ضلع بنوں نا علاقہ ملی خیل اٹی سیکورٹی فورس و فرنٹیئر کانسٹیبلری نا 12 ورناتا نہادی جونی نسخان تیا است ہسونی نا درشانی ءِ کرینے۔ اوتینا بیان اٹی خوارج نا جلہو ءِ بے سہب کننگ و6 خوارج آتے جہنمی کننگ آ سیکورٹی فورس آتے خراج تحسین پیش کرسا شہید آتا خاہوت آتون ہڑزخواہی نا درشانی ءِ کرے۔ اسپیکر شہید آتا درجہ غاتا بڑزی و خاہوت کن صبر وجمیل نا دعاکرسا پارے کہ دہشت گردی نا برخلاف جنگ اٹی سیکورٹی فورس آتا بے مٹ قربانیک ناقابل فراموش ءُ،مچ آ قوم دہشت گردی نا برخلاف جنگ اٹی سیکورٹی فورس آتون ہم کوپہ سلوک ءِ۔ اسپیکر قومی اسمبلی پارے کہ خوارج نا لغور کارروائیک دہشت گردی نا برخلاف قوم و سیکورٹی فورس آتا پکا عزم ءِ بدل کننگ کپسہ، ملک آن دہشت گردی نا چٹفنگ اسکان خوارج نا برخلاف کارروائی برجاسلک۔
