اسلام آباد۔ 20 نومبر (اے پی پی) بنجائی وزیر واپار جام کمال خان پارینے کہ پاکستان و ترکیہ نا تاریخی و دودوربیدہ ئی تعلقداریک بے مٹ ءُ، ترکیہ دفاعی و صنعتی بشخ اٹی پاکستان نا خودانحصاری ٹی اہم کڑد ادا کننگ ءِ۔ داخیال آتا درشانی ءِ او چارشنبے نادے آ تینا دفتراٹی ترکیہ نا پنی آ صنعت کار و چیئرمین بورڈ آف کارڈیمر اسماعیل دمیر تون اوڑدہی ٹی کرے۔ اوڑدہی ٹی ہڑتوم آ کنڈآتا واپار و زرکاری ءِ مون آدننگ آ گپ وتران کننگا۔ اوڑدہی ٹی اسٹیل نا صنعت اٹی پائیدار وڑو ڈول و پوسکن آ ٹیکنالوجی نا مون آ دننگ آ گپ وتران کننگا۔ داخت آ بنجائی وزیر واپار پارے کہ ہڑتوم آ ملک آتا نیام اٹ واپاری کچ اٹی ودکی نا بھلو گنجائشت اس ساڑی ءِ ۔ اوپارےکہ ہڑتوم آ کنڈآتا واپار ءِ مون آدننگک ہراڑکن جوان ءُ حکمت عملی اسے آ کاریم مننگ ءِ۔ اوپارے کہ ترکیہ و پاکستانی اسٹیل صنعت آتا نیام اٹ سوگو شریداری نا گرج ءِ۔ ترکیہ نا صنعت کار پروفیسر ڈاکٹر اسماعیل دمیر پاکستانی مہمانداری نا ستاءِ کرے و ہڑتوم آکنڈآتا کمکاری ءِ برجاتخنگ نا عزم انا ہم درشانی ءِ کرے۔
