اسلام آباد۔ 20 نومبر (اے پی پی) صدر مملکت آصف علی زرداری بنوں ٹی خوارج دہشت گرد آتا جلہو اٹی 12 ورناتا شہیدی آ است ہسونی نا درشانی ءِ کرینے۔ ایوان ءِ صدر نا پریس ونگ انا رداٹ صدر مملکت دفاع وطن اٹ جون تے ندر کننگ آ پاک فوج انا ورناتے خراج عقیدت پیش کرسا پارے کہ مچ آ قوم لمہ وطن نا سلامتی کن شہیدی نا جام ءِ کنوک آتے سلام پیش کیک۔ صدر مملکت دہشت گردی نا لعنت نا پورو چٹفنگ نا عزم انا درشانی ءِ کرے۔ اودہشت گرد آتا واقعہ ٹی شہید مروک آ ورناتا درجہ غاتا بڑزی کن دعاکرے۔ صدر مملکت شہید آتا خاہوت آتون است ہسونی نا درشانی ءِ کرسا اوفتے کن صبر وجمیل نا دعاکرے۔
