اسلام آباد۔ 20 نومبر (اے پی پی) چیئرمین سینیٹ سید یوسف رضاگیلانی پارینے کہ چناک ملک وقوم انا نہادی میرات ءُ، چناتا حق انا رکھ و اوفتا آخبت ءِ رکھ کننگ ننا اولیت ءِ۔ چارشنبے نادے آ سینیٹ سیکرٹریٹ آن جاری بیان نارداٹ جہانی یوم اطفال نا وخت آ تینا کلہواٹی چیئرمین سینیٹ پارے کہ چناک ملک وقوم انا نہادی میرات ءُ۔ چناتا حق انا رکھ و اوفتا آخبت ءِ رکھ کننگ ننا اولیت ءِ ۔ چناک قوم انا آخبت مریرہ۔ چیئرمین سینیٹ پارے کہ یوم اطفال ننے چناتا حق انا رکھ انا عزم ءِ پین سوگو کننگ نا موقع فراوان کیک۔ چناتے آب اٹ تعلیم، جان جوڑی و گچین تربیت فراوان کننگ المی ءِ۔ پاکستان نا ہرچناءِ رکھ و روشنا آخبت تننگ کن سنبرینگوک اُن۔ چناتیا بیدادی و جبری مشقت ءِ توننگ کن گچین گام گیج کننگے۔ اوپارے کہ چناتا حق انا پاسداری کن راجی و سرکاری کہول آ کمک المی ءِ۔ ہرچناءِ گچین زند و وارخواہی فراوان کننگ ننا قومی زمواری ءِ۔ چناتے مہرومریبت، شرف و وارخواہی فراوان کرسا راج ءِ سوگو کننگ مریک۔ چناتا رکھ، اوفتا تعلیم و جان جوڑی ءِ پک کننگ ننا بنداوی اولیت آتیٹی اوار ءِ۔
