اسلام آباد۔19نومبر (اے پی پی): مزن وزیر محمد شہباز شریف ءَ ٹیکس دزئی ءُ ذخیرہ کنگ ءَ ہواریں شکر مل ءِ واھند آنی ھلاپ ءَ سکیں کانودی کارروائی ءِ پنت ءُ شون کتگ ءُ گوشت کہ شکر ءِ نھاد ءِ تہ ءَ گیشی ھچ وڑیں جاور ھال آناں برداشت کنگ نہ بیت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ ایف بی آر، ایف آئی اے ءُ آئی بی ءَ را پنت ءُ شون کنگ بوتگ کہ آ ٹیکس دزئی ، بے مسل ءُ پرمٹ ءَ بہا ءُ شکر ءِ بہا ءِ سر ءَ بہا ءِ تہ ءَ گیشی ءِ گر ءُ دار ءِ واستہ یکجائی کارروائی بہ کن اَنت۔ اے درگت ءَ نوٹیفکیشن شنگ کنگ بوتگ۔ مزن وزیر ءَ ایف بی آر، آئی بی ءُ ایف آئی اے ءَ را پنت ءُ شون کتگ کہ آ اے گپ ءَ را دل یکیمی بہ کن اَنت کہ گنی ءِ شوبگ ءَ سیلز ٹیکس ءِ دزئی ءَ گوں گر ءُ چیل بوھگ ءِ وھد ءَ انت۔ بیان ءِ رد ءَ مزن وزیر ءِ پنت ءُ شون ءِ پد ءَ شوگر مل آنی تہ ءَ کیمرہ ایر کنگ ءِ پیسلہ کنگ بوتگ ایشی ءَ چہ شکر ءِ امبار جم کنگ ءِ گر ءُ دار بیت ءُ نہاد توازن بنت۔ بیان ءِ تہ ءَ گْوشگ بوتگ کہ ٹیکس دزئی ءُ ذخیرہ کنگ ءَ ھواریں شوگر مل آنی واھند آنی سر ءَ سکیں کانودی کارروائی کنگ بیت۔ مزن وزیر ءِ پنت ءُ شون ءِ رد ءَ شوگر مل آنی پیداوار ءِ عمل ءُ سٹوریج ءِ کیمرہ آنی وسیلگ ءَ چار ءُ بچار کنگ بیت، سیلز ٹیکس ءِ ادائیگی ءَ را دل یکیمی کنگ بیت ءُ ہچ وڑیں جاور آنی تہ ءَ شوگر ءِ نہاد آنی تہ ءَ گیشی برداشت کنگ نہ بیت۔ مزن وزیر ءَ شوگر مافیا ءِ حلاف ءَ سکیں گرانیں کارروائی ءِ ہم پنت ءُ شون کتگ۔ بیان ئِ تہ ءَ گوشت کہ مزن وزیر ءَ سٹیل، سگریٹ، سیمنٹ ءُ ھاپیں چیز جوڑ کنوک آں ھوار دگہ شوبگ آنی تہ ءَ ھمے رنگیں گامگیج آنی پنت ءُ شون کتگ۔
