اسلام آباد۔19نومبر (اے پی پی): مزن وزیر محمد شہباز شریف ءَ ھمک سکی ءِ تہا پاکستان ءِ سروکی ءُ حکومت ءِ شگر ءُ منت گپت ءُ گوشت کہ پاکستان ءُ سعودی عرب یکجائی ءَ اقتصادی ءُ سرمایہ کاری ءِ کمک ءَ را گیش مھکم کنگ ءِ ھاترا کار کنگ ءَ انت۔ سئے شمبے ءِ روچ ءَ مزن وزیر کارگس ءِ نیمگ ءَ جاڑی بوتگیں رپورٹ ءِ تہ ءَ نائب وزیر تہی کار ڈاکٹر نصیر بن عبدالعزیز الداؤد ءَ مزن وزیر گس ءَ مزن وزیر محمد شہباز شریف ءَ گوں گند ءُ نند کتگ ءُ کار کنگ ءِ وھد ءَ آوانی واستہ واھشت آنی درشان کتگ۔ مزن وزیر ءَ مسجد الحرام ءِ نگہبان شاہ سلمان بن عبدالعزیز السعود ءُ سعودی عرب ءِ ولی عہد ءُ مزن وزیر شہزادہ محمد بن سلمان ءِ واستہ ھم نیکیں واھگ آنی درشان کت۔ مزن وزیر ءَ دوئیں ملک آنی نیام ءَ دوستی ءُ برات ءِ سیادی ءِ ذکر کنان ءَ سعودی سروکی ءُ حکومت ءِ شگر ءُ منت گپت کہ آ ھمک سکی یں وھد ءَ پاکستان ءِ کمک ءَ کن اَنت ءُ گوشت کہ پاکستان ءُ سعودی عرب ءِ نیام ءَ وت مہ وتی پائدگ مندیں اقتصادی ءُ سرمایہ کاری کمک است انت ایشی ءَ را گیش مھکم جوڑ کنگ ءِ واستہ یکجائی ءَ کار کنگ ءَ انت۔ مزن وزیر ءَ سعودی عرب ءُ پاکستان ءِ نیام ءَ پاکستان ءَ 2.8 ارب امریکی ڈالر ءِ سرمایہ کاری ءِ ھوالگ ءَ سعودی عرب ءِ تپاک نامہ ءِ سر ءَ عمل درآمد ءِ سر ءَ دلیکیمی ءِ درشان کت۔ گند ءُ نند ءَ غزہ ءُ میاں اوستمانی جاورانی بابت ءَ ھم گپ ءُ تران کنگ بوتگ ۔ مزن وزیر ءَ ریاض ءَ بوؤکیں گوستگیں عرب اسلامی سروک دیوان ءِ حوالہ ءَ سعودی عرب ءِ سروک دیوان ءِ برجم دارگ ءِ عزم ءِ توسیپ کت ءُ امت ءَ را فلسطین ءَ اسرائیل ءِ نسل کشی ءِ کارروائی آنی ھلاپ ءَ ءُ غزہ ءَ زوراکی ءِ ھلاسی ءِ ھاترا اجتماعی رنگ ءَ لوٹ کت سعودی عرب ءِ کوشست آنی ستا ءَ کنان ءَ۔ شہزادہ ءُ مزن وزیر محمد بن سلمان ءَ مسلمان آناں یکجا کنگ ءِ واستہ دوئیں ملک آنی نیام ءَ دفاعی ءُ ایمنی ءِ پڑ ءَ کمک ءِ ارزشت ءِ سر ءَ زور پر دیان ءَ مزن وزیر ءَ گوشت کہ سعودی عرب ءِ تہی کارانی نائب وزیر ءُ آئی ءِ ڈل ءِ تر ءُ تاب ءَ چہ دو اسلامی براتیں ملکاں اے حساسیں دمگاں کمک ءِ رد ءَ نزیک تر کتگ۔ مزن وزیر ءَ سعودی ولی عہد ءُ مزن وزیر شہزادہ محمد بن سلمان ءَ را پاکستان ءِ سرکاری تر ءُ تاب ءِ دعوت ءِ یک رندے پدا گوشت کہ پاکستان ءِ الس آئی ءِ وش اتک ءِ ودار ءَ انت۔
