رحیم یارخان۔19نومبر (اے پی پی): رحیم یارخان ءَ چار روچی فری آئی کیمپ ءِ بنگیج کنگ بوتگ، 500 ءَ چہ گیش مریض آناں نوکیں زمانگ ءِ مشین آنی سر ءَ نوکیں رپک آنی وڑ ءَ علاج فیکو ءَ چہ چم آنی آپریشن کنگ بنت۔ مریض آناں مفت درمان ءُ وردن ءُ وراک ھم پجاری کنگ بوھگ ءَ انت، سرجمیں ھال آنی رد ءَ سعودی عرب میں مقیم ڈاکٹرز محمداشرف نون ، ڈاکٹر محمد صدیق چوہدری پاکستان ءَ اتکگ ، آئی ءِ نگرانی ءَ گلشن میرج لان ، گلشن اقبال ءَ چار روچی فری آئی کیمپ ءِ بست ءُ بند کت۔ پیسریگیں ایگزیکٹو ممبر چیمبر آف کامرس اینڈ انڈسٹری چوہدری شفیق الرحمٰن، گورنمنٹ کنٹریکٹر چوہدری شاہد جمیل، چوہدری طلحہ محمدرفیق،صدرڈسٹرکٹ پریس کلب قیصرغفورچوہدری ءِ ھاسیں کمک ءَ چہ جتگیں فری آئی کیمپ ءِ بنگیج کت پیسریگیں ایم پی اے چوہدری محمد شفیق ءَ کت۔ پیسریگیں سینئر نائب صدر چیمبر آف کامرس اینڈ انڈسٹری چوہدری شوکت حیات، سٹی صدر انجمن تاجران چوہدری عثمان اصغر آئی ءِ ھمبراہ ات۔ 4 روچی فری آئی کیمپ ءَ نوکیں کار رپک داو ءُ درمان ءَ چہ چم آنی آپریشن کنگ بنت ادا دوا ءُ درمان سرجمیں رنگ ءَ فری اِنت۔ اے موہ ءَ گوں تران کنان ءَ سعودی عرب ءَ چہ اتکگیں ای این ٹی سپیشلسٹ ایچ او ڈی دمام ہسپتال پروفیسر ڈاکٹر محمد اشرف نون، ءُ پروفیسر ڈاکٹر محمد صدیق چوہدری ءَ گوشت کہ اے کار ءِ خیر ءِ بنگیج ما 2009 ءَ چہ کتگ سعودی عرب ءَ چہ ما ڈاکٹرز آنی یک ڈل ءِ است انت آ وتی زکواۃ ءِ زر آنی تہ ءَ پاکستان ءِ جتا جتائیں شہر آنی تہ ءَ فری آئی کیمپ جن انت ءُ بزگریں ءُ کودکیں مردم آنی چم آنی فری آپریشن ءَ کن انت ءُ مپت ءَ درمان دینت، رحیم یار خان ءَ ایشی ءَ چہ پیسر ما بازیں رند ءَ کیمپ جتگ انوگ ءَ تاں ما 8 ہزار مریض آنی فری آپریشن کتگ ءُ ایش صدقہ جاریہ ات، ایشی ءَ چہ پیسر بالاکو آزات جموں کشمیر ءَ فری کیمپ جتگ یک سالے ءَ چہ پد پاکستان ءِ جتا جتائیں شہر آنی تہءَ ما فری آئی کیمپ جناں آھودا نادرا ھ سیت چست کناں۔ اے موہ ءَ ھاسیں مہمان چوہدری محمد شفیق ءَ گوشت کہ کار خیر ءِ کار آنی تہ ءَ ھمک سیر لاپیں مردم آناں بھر زورگی انت اگاں سیر لاپیں مردم وتی زکواۃ آناں شریں نمونگے ءَ بہ کشاں گڈاس پاکستان ءَ اچ کس گریب نہ بیت ءُ ناکہ آ کسے علاج مکنت ءُ بہ مر ئیت۔ آءیءَ گوشت کہ ڈاکٹر محمد اشرف نون ءُ ڈاکٹر محمد صدیق چوہدری ءِ اے نیکیں کار آنی سک باز توسیپ کت ءُ ایشرا یک نعمت ءِ نامینت۔ اے موہ ءَ چوہدری شفیق الرحمٰنٰ،چوہدری حمزہ شفیق، چوہدری شاہد جمیل ءُ چوہدری طلحہ محمدرفیق بست ءُ بند کنوک اتنت مریض آنی واستہ نندگ ءُ نوشگ ءِ واستہ ٹوھیں بست ءُ بند ءِ کنگ بوتگ ات۔ کلانہ ایں ڈاکٹر ءَ اولی روچ ءَ 75 مریض آنی مپت ءَ فیکو آپریشن کت ، وھدیکہ چا روچی فری آئی کیمپ ءَ 5 سد ءَ چہ گیش مریض آنان مپت آپریشن کنگ بیت۔ مریض آنی ٹوھیں کساسے ءَ ڈاکٹر محمد اشرف نون، ڈاکٹر محمد صدیق چوہدری ءُ چوہدری شفیق الرحمٰن ءِ شگر ءُ منت واری گپت۔
