اسلام آباد۔ 19 نومبر (اے پی پی) بنجائی وزیرداخلہ محسن نقوی جے یوآئی نا سروک مولانا فضل الرحمان نا ہنکین آ بننگ آ اوڑتون اوڑدہی کرے ہراٹی تین پہ تینی است خواہی نا امور وملک انا جم حالیت آتیا گپ وتران کننگا۔ بنجائی وزیر داخلہ محسن نقوی مولانا فضل الرحمان نا طب انا اَرفے و اوڑکن نیک است خواہی نا درشانی ءِ کرے۔ وزیرداخلہ محسن نقوی 26 می آئینی ترمیم نا منظوری ٹی تاریخ ساز کڑد آ مولانا فضل الرحمان نا منت واری ءِ ہرفسا پارے کہ مولانا فضل الرحمان مدام پاکستان نا فائدہ غاتے مقدم تخانے۔ جے یو آئی نا سروک مولانا فضل الرحمان پارے کہ ننا اولیت پاکستان و پاکستانی الس ءِ۔ سینیٹر کامران مرتضیٰ ہم داوخت آ ساڑی ئس۔
