اسلام آباد۔ 19 نومبر (اے پی پی) نیشنل انسٹی ٹیوٹ آف ہیلتھ اٹی انسداد پولیو نا ریجنل ریفرنس لیبارٹری پاکستان اٹ وائلڈ پولیو دین (ڈبلیو پی وی 1) نا اسہ پین کیس اسے نا پیدواری ءِ پک کرینے۔ سے شنبے نادے آ این آئی ایچ آن جاری بیان نا رداٹ لیبارٹری خیبرپختونخوا نا ضلع ٹانک آن تعلق تخوک آ چنانا کیس ءِ پک کرے اوکان پد برجاسال کیس آتا کچ 50 مس۔ جمع کروک آ وڑتیان جتا کروک آ دین نا جینیاتی ترتیب آن سماتمک کہ دا جینیاتی وڑاٹ ڈبلیو پی وی 1 اتون گنڈوک ءِ ہرا جولائی ٹی ہندا ضلع ٹی خننگاسس۔ ٹانک آن پولیو نا دا ارٹ میکو کیس و پاکستان آن برجاسال پولیو نا 50 می کیس ءِ۔ داتم اسکان بلوچستان آن24، سندھ آن 13، خیبرپختونخوا آن 11، پنجاب و اسلام آباد آن اسہ اسہ کیس رپورٹ مسنے۔ ٹانک سویلی کے پی کے پولیو آن زہمی ضلع غاتیان اسٹ ءِ و داسال چندی مثبت چاگڑدی وڑتتون اوار اوار اِرا کیس ہم رپورٹ مسنے۔
