اسلام آباد۔ 19 نومبر (اے پی پی) وزیراعظم نا کوآرڈی نیٹر قومی جان جوڑی ڈاکٹر مختاراحمد بھرتھ پارینے کہ ہسپتال آتے پوسکن آوڑتتون ہم گرنچ کننگ کن غٹ تر المی گام گیج کننگ انگ ءِ، آئی ڈیپ 200 کٹ آتیا تالان نیو ایمرجنسی نا تفنگ ءِ تخوک آ ڈیڈ لائن مارچ 2025 اسکان پورو کے۔ داخیال آتا درشانی ءِ او سے شنبے نادے آ پاکستان انسٹیٹیوٹ آف میڈیکل سائنسز (پمز)اٹی زیرتعمیر پارکنگ و 200 و کٹ آتیا تالان پوسکن آ ایمرجنسی نا دورہ نا وخت آکرے۔ ڈاکٹر مختار احمد بھرتھ نا منیجمنٹ انفارمیشن سسٹم نا آفس نا دورہ ءِ ہم کرے۔ داوخت آپمز انا ایگزیکٹیو ڈائریکٹر ہسپتال نا کارکڑد و مون تروک چیلنج آتا بارواٹی بریف کرے۔ داوخت آڈاکٹر مختار احمد بھرتھ پارے کہ آئی ڈیپ 200 کٹ آتیا تالان نیو ایمرجنسی نا تفنگ ءِ تخوک آ ڈیڈ لائن مارچ 2025 اسکان پورو کے۔ کاریم نا رفتار ءِ ٹائم لائن تون تینٹ ہر 10 دے آن پد حوال اتون مانیٹر ہم کیوہ۔ اوپارے کہ انتظامیہ ون پیشنٹ ون آئی ڈی نا نظام ءِ ہلہلہ ئی بنداو تیا نافذ کے۔ ہسپتال آتیٹی کوالٹی آف سروس ءِ گچین کننگ ننا اولی ایجنڈا و مشن ءِ۔ بنجائی ہسپتال آتا کارکڑد ءِ ودفنگ نا پکا عزم کرینے۔ ڈاکٹر مختار احمد بھرتھ پارے کہ ہسپتال آتے پوسکن آ وڑتتون ہم گرنچ کننگ کن غٹ تر المی گام گیج کننگ انگ ءِ۔ ایمرجنسی ٹی دوائی تا بے سلنگ آن فراوانی ءِ پک کیر۔ جون ءِ بچفوک آ دوائی تا فراوانی ءِ بے سلنگ آن پک کیر۔ الس ءِ گچین و آب اٹ آسراتی تا فراوانی ننا اولیت ءِ۔
