اسلام آباد۔18نومبر (اے پی پی): قائداعظم یونیورسٹی ءِ شعبہ ڈیفنس ءُ اسٹریٹجک اسٹڈیز ءِ نودربر آنی ڈل ءَ راجی ھال رسانکی ادارگ ایسوسی ایٹڈ پریس آف پاکستان ءِ بنجاہی کارگس ءِ تر ءُ تاب کت۔ ءِ جیڑہاں چہ دیم ءَ اتکگ۔ نودربر آنی تر ءُ تاب ءِ مول ءُ مراد اے پی پی ءِ تہ ءَ نیوز پروڈکشن، ٹیکسٹ، فوٹو ءُ ویڈیوز ءِ بہر ءَ ھوار جتا جتائیں پلیٹ فارم آنی بابت ءَ سرپدی دیگ بوتگ۔ اے موہ ءِ سر ءَ اے پی پی ءِ منیجنگ ڈائریکٹر محمد عاصم کھچی ءَ قائداعظم یونیورسٹی ءِ نودربر آناں راجی نپ آنی دیمروئی ءَ اے پی پی ءِ کرد ءِ بابت ءَ سرپد کت۔ آئی ءَ پاکستان ءِ جوانیں مفاد ءِ ھاتر ءَ راجی بیانیہ ءِ دیمروئی ءِ تہ ءَ اے پی پی ءِ اسٹریٹجک میڈیا آرگنائزیشن ءِ کرد ءَ را پدر کت آئی ءَ پیشہ وارانہ اھوالکار آنی ٹیم ءِ وسیلگ ءَ اے پی پی ءِ راجی ءُ میاں اوستمانی رسائی ءِ بابت ءَ سرپدی دات۔ جدید نیوز فائلنگ سسٹم ءِ وسیلگ ءَ جتا جتائیں پڑاں راجی سلامتی ءِ رد ءَ میڈیا ءَ گوں سیادی داروکیں جیڈھ آنی کوریج ءِ تہ ءَ اے پی پی ءِ توازن ءِ بابت ءَ نودربر آنی جُست آنی پسو داتگ۔ قائداعظم یونیورسٹی ءِ مہمان فیکلٹی ءِ باسک شازیہ محبوب ءِ سروکی ءَ نودربراں اے پی پی ءِ جتا جتائیں بہر، سینٹرل نیوز ڈیسک، انگریزی رپورٹنگ، درملکی ءُ اقتصادی ڈیسک، اردو نیوز سروس، ویڈیو نیوز سروس، اسٹوڈیوز ءُ ڈیٹا سینٹر ءِ تر ءُ تاب کتگ۔ ایشی ءَ پد منیجنگ ڈائریکٹر اے پی پی محمد عاصم کھچی ءَ فیکلٹی ءِ باسک شازیہ محبوب ءَ را یادگاری ڈھال دات کہ آئی ءَ قائداعظم یونیورسٹی ءِ نودربر آنی ڈل ءِ سروکی کت۔ اے موہ ءِ سر ءَ اے پی پی ءِ ایگزیکٹو ڈائریکٹر سبین عثمان خٹک، ڈائریکٹر نیوز شمائلہ عندلیب، ڈائریکٹر ویڈیو نیوز رب نواز باجوہ، ڈائریکٹر کرائم رشید ملک، ڈائریکٹر آئی ٹی عدنان بخاری ءُ ایندگر کارندہ اے موہ ءِ سر ءَ ساڑی بوتگ اَنت۔
