اسلام آباد۔15نومبر (اے پی پی):پاکستان ءُ بوسنیا ءُ ہرزیگووینا ءِ نیام ءَ دو نیمگی سیاسی مشورہ ءُ مشورہ ءِ دومی دور جمعہ ءِ روچ ءَ اسلام آباد ءَ برجم دارگ بوت۔ درئی کارانی کارگس ءِ جارکش ءِ نیمگ ءَ شنگ بوتگیں بیان ءِ رد ءَ پاکستانی ڈل ءِ سروکی ءَ درئی کارانی گیشیں وزیر (یورپ) شفقت علی خان ءَ کتگ وھدے کہ بوسنیا ءِ ڈل ءِ سروکی ءَ درئی کارانی وزارت ءِ سیکرٹری جنرل ایڈن دلبرویچ ءَ کتگ۔ فریقین ءَ مزنیں بھروسہ ءُ وت مہ وتی ءِ ماحول ءَ دو نیمگی سیادی ءِ درستیں تک ءُ پھنات آنی سر ءَ سرجمیں رنگ ءَ چار ءُ تپاسی کتگ۔ ایشاں سیاسی، تجارتی، اقتصادی، چاگردی ءُ انسانی بنیات ءِ سر ءَ سیادی آناں گیش دیمروئی دیگ ءِ واستہ یکوئی ءِ عزم ءِ پدا زور دات ءُ ھاسیں دمگی ءُ جھان ءِ دیمروئی آنی سر ءَ گپ ءُ تران کنگ بوت۔ آئیدان دلبرویچ ءَ گوں دری کارانی سیکرٹری آمنہ بلوچ ءَ ھم گند ءُ نند کتگ۔ دری کارانی سیکرٹری ءَ وت مہ وتی سیت پائدگ مندیں کمک ءَ را گیش وسعت ءُ تنوع ءِ واستہ پاکستان ءِ جزم ءِ سر ءَ زور پر دات۔
