اسلام آباد۔ 18 نومبر (اے پی پی) وزیراعظم محمد شہباز شریف خراج تفروک آتا برخلاف کارروائی تیٹی ترندی اتنگ نا پارت کرساپارینے کہ خراج دُزی کروک و اوفتا کمک کروک آتے اوفتے اوفتا کروک نا ہرحال اٹ سزاایتنہ، السی ریلیف ءِ ہر ایلو گام آ اولیت تننگے۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف نا کماشی ٹی زرگزران نا حالیت آتیا جاچ دیوان اس اڈ ہلک۔ دیوان اٹی وزارت خزانہ آئی ایم ایف نا ڈل اتون مروک آاوڑدہی تیا حوال تس۔ وزیراعظم پارےکہ ملک زرگزرانی سوگوی نا کنڈآ ہِننگ ءِ، زرگزران نا شونداری کن گام گیج آتا سوب آن سٹاک مارکیٹ اٹی ترندی نا رجحان ءِ۔ وزیراعظم پارے کہ پیشن نا زرکارآک حکومتی پالیسی تیا پت انا درشانی ءِ کننگ ءُ، السی ریلیف ءِ ہرایلو گام تیا اولیت تننگے، الس تون کروک آ قول آتے پورو کننگ کن ہرممکن گام گیج کننگ اُن۔ وزیراعظم پارے کہ کبینی نا کچ 38 درسد آن کم مرسا 7 درسد آ بس، شرح سود 22 درسد آن کم مرسا 15 درسد آ بس، شرح سود اٹی کمتی آن ملک اٹی کاروباری سرجزآتیٹی ودکی و روزگار نا پوسکن ءُ وارخواہی ودی مریک۔وزیراعظم پارے کہ ملکی برآمد آتیٹی ودکی و ریکارڈ زرراہی تس نا سوب آن ملکی زرمبادلہ نا کوڑی تیٹی ودکی مس، کشاری بشخ اٹی اصلاحات نا بابت وزیراعلیٰ پنجاب و پنجاب حکومت ءِ خراج تحسین پیش کینہ۔ وزیراعظم پیدوار پارت کرے کہ خراج تفروک آتا برخلاف کارروائی تیٹی ترندی اتنگے، خراج دزی کروک و اوفتا کمک کروک آتے اوفتے اوفتا کروک نا ہرحال اٹ سزا ایتنہ۔ وزیراعظم پارےکہ ملکی زرگزران نا شونداری ہموتم آ ممکن ءِ ہراتم غٹ تینا بشخ انا زمواری تے پورو کیر، غٹ بشخ آتے خراج ادا کرسا ملکی شونداری ٹی تینا کڑد ءِ ادا کروئی مریک۔ دیوان ءِ زرگزران نا ٹک، کبینی نا ساڑی حالیت آتیا حوال تننگا۔ دیوان ءِ خراج دُزی و اوفتا کمک کروک و اوفتا برخلاف کارروائی آن ہم معلومدار کننگا۔ دیوان اٹی بنجائی وزیر محمد اورنگزیب، احد خان چیمہ، عطاء اللہ تارڑ، ڈاکٹر مصدق ملک ، وزیر مملکت علی پرویز ملک، وزیراعظم نا کوآرڈی نیٹر رانااحسان افضل و تعلقدار بڑزکو کمامدارآک بشخ ہلکر۔
