اسلام آباد۔ 18 نومبر (اے پی پی) آذربائیجان نا دارالحکومت باکوٹی برجااقوام متحدہ نا کاپ۔ 29 دیوان اٹی دوشنبے نادے آپاکستان پویلین آ6 دود اڈتننگ انگ ءِ۔ داہیت ءِ وزیراعظم نا کوآرڈی نیٹر موسمیاتی بدلی رومینہ خورشید عالم پارے۔ وزارت موسمیاتی بدلی آن جاری بیان نا رداٹ اوپارے کہ وزارت موسمیاتی بدلی پاکستان نا موسمیاتی خطرہ غاتون مون تننگ کن کروک آ گام گیج آتے سرسہبی اٹ پیش کننگ ءِ۔ دیوان اٹی موسمیاتی بدلی، فضائی کچٹی، برقی گاڈی، ورناتا موسمیاتی خطرہ غاتا بست وبند اٹی کڑد و موسمیاتی وسوز زرکاری آ پاکستانی پویلین آ اینو چندی دود اڈتننگ انگءِ۔ دادود آتے وزیراعظم نا کوآرڈی نیٹر رومینہ خورشیدنا کماشی ٹی ترتیب تننگ انگ ءِ۔ چندی ملک آتیان موسمیاتی ، سیاستدان ، میڈیا نمائندگان ، طالب علم و پولکار آک دادود آتیٹی بشخ ہلنگ اٹی ءُ۔
