اسلام آباد۔15نومبر (اے پی پی): گورنر پنجاب سلیم حیدر ءَ گوشت کہ پاکستان ءِ تہ ءَ یک سیمی بھر ءِ مردم شکر ءِ نادراھی ءَ گوں نادراھ اَنت کہ ایشی ءِ تہ ءَ گیشتریں مردم ورنا اَنت مارا وتی دود ءُ ربیدگ بدل کنگی اِنت ءُ اے نادراھی ءِ گر ءُ دار ءِ واستہ یکجائی کوشست کنگی اِنت۔ .گریبیں مردم وسیلہ ءِ کمی ءِ سبب ءَ علاج ءِ ھاتر ءَ رسگ ءَ نہ انت، پنجاب ءِ ٹی ڈی سی ءِ وڑیں درستیں جان سلامتی مراگش آنی تہ ءَ علاج ءُ ٹیسٹ ءِ آسراتی ھست بہ بنت۔ اے ھیال ءُ لیکہ گورنر پنجاب سلیم حیدر ءَ شکر ءِ سرپدی ءِ ھوالگ ءَ برجم داشتگیں مراگش ءَ گوں تران کنان ءَ کتگ اَنت مارا انفرادی کوشست آنی گوما یکجائی کوشست آنی ضلورت اِنت اے سک باز المی اِنت کہ شکر ءِ نادراھی ءِ بابت ءَ سرپدی ءِ شنگ کنگ بہ بیت۔ بدقسمتی ءَ مئے کرّا یک چاگردے جوڑ کنگ ءَ یکے است دیا ءَ گوشت کہ زھگ ءِ ودی بوھگ ءِ وشی ءَ بگر داں یک دوستیں مردمے ءِ بیرانی ءَ ھر جاگہ ءَ مٹھائی ھوار کنگ بیت اے ھترناکیں عمل اے نادراھی ءِ نیمگ ءَ روگ ءَ اِنت آئی ءَ گوشت کہ پاکستان ءَ را اے نادراھی ءَ چہ رکّینگ ءِ واستہ مارا دود ءُ ربیدگ ءَ بدل کنگ لوٹیت۔پنجاب ءِ گورنر ءَ اے واھشت ءِ درشانی کت ءُ گوشت کہ پاکستان ءِ سرجمیں طبی مراکز ءَ وسیلگ ءِ کمی ءِ سبب ءَ شکر ءِ ٹیسٹ ءُ علاج ءِ وڑیں درستیں آسراتی آنی واستہ کوشست کنگ بوھگ ءَ اِنت۔ چہ اے گپ ءَ گریب ءُ تنگدست درمان ءِ رسگ ءَ نہ اَنت۔ اے موہ ءِ سر ءَ ٹی ڈی سی ءَ نادراھی ءِ بابت ءَ سرپدی واک ءِ ھم برجم دارگ بوت گورنر پنجاب ءَ ھم آئی پی ڈی ءِ بنگیج کت مراگش ءَ تران کنان ءَ ٹی ڈی سی ءِ چیف آپریٹنگ آفیسر ڈاکٹر ساجد محمود اشرف ءَ گوشت کہ مراگش ءِ مول ءُ مراد ایش انت کہ نادراھی ءِ گیش بوھوکیں شرح ءَ را کنٹرول کنگ بہ بیت۔ بیماری ءُ بیماری ءِ پیچیدگیانی بابت ءَ سرپدی پیداک کنگ فائدہ مند اِنت ءُ اے عادت ٹائپ 2 ذیابیطس ءِ وڑیں نادراہی ءِ ھلاپ ءَ ھم رکھینگ ءَ اِنت ھر دو مردم چہ اے نادراھی ءَ رکّینگ ءِ ھاترا۔ احتیاطی تدابیر ءِ سرا عمل کنگ بہ بیت۔ اے موہ ءِ سر ءَ تران کنان ءَ ڈاکٹر نجھت ءَ گوشت کہ ملک ءَ ذیابیطس ءِ نادراھی ءِ کچ مدام گیش بوھگ ءَ اِنت ءُ مزنیں کساسے ءَ نادراہ ذہنی سٹریس، ڈپریشن ءُ اے دگہ نفسیاتی جیڈھ آنی آماچ اَنت۔ اے نادراہی ءِ جسمانی ءُ ذہنی اثرات سک باز انت آئی ءَ گوشت کہ پاکستان ءَ 33 ملین ءَ چہ گیش ذیابیطس ءِ نادراہ آنی تہ ءَ 78درسد ذہنی جان سلامتی ءِ جیڈھ آنی آماچ انت ممبر بورڈ آف ڈائریکٹر ٹی ڈی سی محمود موسیٰ ءَ وتی گشتانک ءَ گوشت۔ شکر ءِ کنٹرول کنگ تاکہ بندات ءَ پیچیدگیاں چہ بچگ بہ بیت ءُ دل ءِ نادراہی یا دگہ نادراہی ءِ سبب مہ بنت۔
