اسلام آباد۔ 15 نومبر (اے پی پی) بنجائی وزیر کانود و انصاف اعظم نذیرتارڑ جمعہ نادے آ مسابقتی کمیشن نا دورہ ءِ کرے۔ داوخت آ بنجائی وزیر ءِ کمیشن نا مینڈیٹ و کارکڑد آ حوال تننگا۔ مسابقتی کمیشن نا چیئرمین ڈاکٹر کبیر سدھو بنجائی وزیر ءِ عدالت آتیٹی زیرسماعت کیس آتیا حوال تس۔ بنجائی وزیر اعظم نذیر تارڑ عدالت آتیٹی زیر التواء کیس آتا زوت سماعت کن کمکاری نا باوری کرفے۔ اومسابقتی ٹربیونل اٹی جج آتا زوت تعیناتی نا ہم باوری کرفے۔ حوال اٹی پاننگاکہ مسابقتی کمیشن نا عدالت و مسابقتی ٹربیونل اٹی 550 مقدمہ پدتموک ءُ، کمیشن نا 74 ارب روپئی نا جرمانہ عدالت آتیٹی اسٹے تننگا وخت اس کہ عدالت آتیٹی زوت سماعت نا کیہی درخواست آتے ہم تننگانے۔ تدوک آ اسہ سال اٹی عدالت آک 69 مقدمہ غاتا فیصلہ غاتے بنفیر و عدالت آتا فیصلہ غاتا نتیجہ ٹی 100 ملین روپئی نا جرمانہ حکومتی خزانہ ٹی جمع مس۔ بنجائی وزیر کمیشن ءِ پبی انفورسمنٹ کن حکومت نا پورو سپورٹ نا باوری کرفے۔
