آئین نا بالادستی و جمہوریت نا سوگوی نا بابت صحافی تیا اہم ءُ زمواری اس بیٹ مریک، رانا مشہود احمد خان

اسلام آباد۔ 15 نومبر (اے پی پی) چیئرمین وزیراعظم یوتھ پروگرام رانا مشہود احمد خان پارینے کہ آئین نا بالادستی و جمہوریت نا سوگوی نا بابت صحافی تیا اہم ءُ زمواری اس بیٹ مریک، ورناتے کسبکار کننگ کن ہیلکاری کورس آتا بناءِ کننگ والااُن۔ داخیال آتا درشانی ءِ او پارلیمنٹری رپورٹرز ایسوسی ایشن پاکستان نا عہدیدار آتون اوڑدہی ٹی کرے۔ داوخت آ پی آراے نا صدر عثمان خان، سیکرٹری نوید اکبر و ایلو عہدیدار آک ہم ساڑی ئسر۔ رانا مشہود احمد خان پارے کہ صحافی ہرجمہوری راج اسے نا اہم کڑد مریک، پی آراے نا غٹ رپورٹرز پارلیمانی کوریج ءِ جوان اٹ کیرہ۔ اوپارے کہ آئین نا بالادستی و جمہوریت نا سوگوی نا بابت صحافی تیا اہم ءُ زمواری اس بیٹ مریک ، ورناتے کسبکار کننگ کن ہیلکاری کورس آتا بناءِ کننگ والا اُن۔ میڈیا تون وابستہ مخلوق ہم کاریم نا کچ ءِ ودفنگ کن پوسکن کورس آتا بشخ مریر۔ چیئرمین وزیراعظم یوتھ پروگرام پی آراے پاکستان ءِ ہرممکن کمکاری نا باوری ہم کرفے۔ عثمان خان صدر پی آر اے پارے کہ چیئرمین وزیراعظم یوتھ پروگرام رانا مشہود احمد خان ءِ ورناتا امور نا بابت اہم زمواری اس تننگانے، اومیت ءِ کہ پاکستان نا ورناک یوتھ پروگرام آن فائدہ ہرفرہ۔ داوخت آ پی آر اے نا سیکرٹری نوید اکبر تنظیم نا گرج و مسخت آتے بیان کرے۔