اسلام آباد۔ 15 نومبر (اے پی پی) اسپیکر قومی اسمبلی سردار ایاز صادق باباگورونانک نا ودی دے انا وخت آ پاکستان تون اوار مچ آ دنیا ٹی رہینگوک آ سکھ برادری ءِمبارکبادی تسنے۔ جمعہ نادے آ قومی اسمبلی سیکرٹریٹ آن جاری بیان اٹی اسپیکر پارے کہ بابا گورونانک انسانیت تون مہرومریبت، امن، ایلمی و بریبری نا درس تس، او مذہبی رواداری ، بین المذاہب ہم آہنگی و امن نا داعی ئس۔ سردار ایاز صادق پارے کہ بابا گورونانک نا ودی دے انا دود آتیٹی بشخ ہلنگ کن مچ آدنیا غان بروک آ سکھ یاتری تے پاکستان اٹ بخیر اٹ پانہ، آئین پاکستان اقلیت آتے تینا عقیدہ نا رداٹ زند ءِ تیر کننگ و مذہبی رسم آتے اڈتننگ نا پورو آجوئی ایتک۔ اسپیکر پارے کہ پاکستان اٹی رہینگوک آ غٹ اقلیت آتے بریبر حق دوئی ءِ، سکھ برادری آن تعلق تخوک آ پاکستانی تا ملکی شونداری و شونہالی کن کڑد ستاکڑزک۔
