اسلام آباد۔14نومبر (اے پی پی): بنجاھی وزیر خزانہ محمد اورنگزیب ءَ موسمیاتی بدلی ءَ چہ گیش آماچیں ملک آنی کمک ءِ واستہ نوکیں موسمیاتی ردوم ءِ گیواری ءِ زوتیں ضلورت ءِ سر ءَ زور پر دات۔ آئی ءَ اے جیڈھ آنی درشانی پنچ شمبے ءِ روچ ءَ باکو ءَ پاکستان ءَ پارٹی آف کانفرنس، (کوپ 29) سروک دیوان ءِ ساھت ءَ برجم داشتگیں “یکومن ءِ کلیٹن ایکشن فنڈ فار پاکستان” ءَ گوں تران کنان ءَ کت۔ پاکستان ءِ سوبمندی آنی سر ءَ چمشانک دیان ءَ وزیر ءِ ھزانگ ءَ کشت ءُ کشاری ءِ واستہ ملک ءِ اولی ڈیڈیکیٹڈ فنڈ ءِ جوڑیشت ءِ ذکر کت کہ ایشی ءِ تہ ءَ موسمی برجائی ءِ سر ءَ ھاسیں دلگوشی دیگ بیت۔ مزن وزیر ءِ موسمیاتی مٹ ءُ بدلی ءِ کوآرڈینیٹر رومینہ خورشدام عالم ءَ پاکستان ءِ موسمیاتی ایکشن فنڈ ءِ توسیپ کت ءُ ملک ءِ کشت ءُ کشاری پائیداری ءَ را گیش کنگ ءِ واستہ یک ھاسیں سنگ میل ءِ رنگ ءَ گوشت۔ آئی ءَ درائینتگ کہ اے فنڈ ءِ مول ءُ مراد زرعی کاروباری ادارگ آنی ھاسیں رنگ ءَ کسانیں کشت ءُ کشاری آناں صبر ءُ اوپار ءِ گوما سرمایہ ءِ پجارینگ اِنت کہ آ پاکستان ءِ زرعی کارکن آنی تہ ءَ 90درسد اَنت۔ آئی ءَ گوشت کہ موسمیاتی بدلی ءِ دیم ءَ پاکستان ءِ نزوری ءِ سر ءَ ھیال داری کنان ءَ کہ ایشی ءِ تہ ءَ 2040 ءَ تاں کشت ءُ کشاری پیداوار ءِ تہ ءَ 8 ءَ چہ 10درسد کمی ءِ گمان اِنت، اے گامگیج فوڈ سیکیورٹی ءِ گیواری ءُ گیش بوھوکیں چاگردی چیلنج آناں دیم پہ دیم بوھگ ءِ واستہ المی اِنت۔ وزیر خزانہ ءَ گیش گوشت کہ کمیونٹی کلائمیٹ ایکشن فار پاکستان فنڈ ملک ءِ اولی چاگرد ءِ سر ءَ دلگوشی دیوکیں نجی شوبگ ءِ فنڈ بیت۔ آئی ءَ اے گپ ءِ سر ءَ زور پر دات کہ اے فنڈ ءِ تہ ءَ ھما کاروبار آناں نشانگ جوڑ کنگ بیت کہ آ زراعت ءِ تہ ءَ موسمیاتی لچک ءَ را گیش کن اَنت ، ھاسیں رنگ ءَ کسانیں کشت ءُ کشاری ءَ را فائدگ رسیت ءُ 13.1 ملین کشت ءُ کشاری ءِ زندمان ءَ را اثرمند کنت۔ گرین کلائمیٹ فنڈ پاکستان ءِ واستہ انوگ ءَ تاں نجی شعبہ ءِ مزنیں عزم انت۔ وزیر خزانہ ءَ گیش گوشت کہ اے سی اے پی فنڈ ءِ پاکستان ءِ سر ءَ بدلی ءِ اثر کپ ایت، ٹاپ ٹائر سرمایہ کار آنی نیمگ ءَ چہ نجی سرمایہ ءِ وسیلگ ءَ کارمرد کنگ ءُ دمگی کاروبار آناں مھکم کنگ ءِ واستہ درملکی براہ راست سرمایہ کاری (ایف ڈی آئی) ءَ را راجیگ کنگ بیت۔ اے سی اے پی نہ ایوک ءَ پاکستان ءِ اولی یکیں ملکی فنڈ اِنت بلکیں اولی دانا فنڈ اِنت کہ ایشی ءِ تہ ءَ موسمیاتی ردوم ءِ سر ءَ دلگوشی دیگ بیت۔ آئی ءَ میز ءِ سر ءَ طاقتوریں توار آرگ ءِ ھاترا سروکیں سرمایہ کار آنی گوما مھکمیں سیادی جوڑ کتگ۔ مراگش ءَ اکانومائزر، گرین کلائمیٹ فنڈ ءُ یو ایس ایڈ ءِ نمائندگاں ھم گشتانک دات۔
