اسلام آباد۔14نومبر (اے پی پی): بنجاھی وزیر تجارت جام کمال خان ءَ گشتگ کہ بلوچستان ءَ انسانی سلامتی ءُ حکومت داری ءِ جیڈھ آنی واستہ یک سرجمیں حکمت عملی ءِ زورگ ءِ ضلورت انت۔ آئی ءَ اے ھیالانی درشانی پنچ شمبے ءِ روچ ءَ ادا یک دمگی ھوٹلے ءَ برجم داشتگیں مراگش ’’مارگیلا ڈائیلاگ 2024‘‘ ءَ گوں تران کنان ءَ کت۔ وفاقی وزیر تجارت ءَ گوشت کہ پاکستان ءَ اقتدار ءِ دیمروئی ءِ ضلورت اِنت ءُ تسلسل سک باز المی اِنت ایشی ءَ را ھیال ءَ دارگ بہ بیت ءُ چاگردی مداخلت کم چہ کم کنگ بہ بیت – جام کمال ءَ گوشت کہ اقتصادی دیمروئی ءُ ماحولیاتی نظام ءِ تہ ءَ بدلی ءِ ھست نہ اِنت۔ . آئی ءَ گوشت کہ ملک ءَ را اقتصادی تپاکی ءِ سک باز ضلورت اِنت، بید ءِ اقتصادی تپاکی ءَ ملک دیم ءَ شُت نہ کنت۔ جام کمال ءَ گوشت کہ بلوچستان ءِ تہ ءَ اوست ءِ شرح 45درسد اِنت کہ راجی شرح ءَ چہ باز کم اِنت۔ وفاقی وزیر ءَ گوشت کہ گوادر مونچ پکم ءِ دیمروئی منصوبگ ءَ چہ بلوچستان ءِ واستہ اقتصادی دیمروئی ءِ موہ رس ایت، اقتصادی راہداری منصوبگ بلوچستان ءِ الس آنی ھوار کنگ ءُ روزگار ءِ تہ ءَ کرد پیلو کنت، ءُ 2020 ءَ ھمک شہری ءِ واستہ ایمنیں چاگرد ءِ پھجارینگ ءِ تہ ءَ کرد پیلو کنت۔ بلوچستان ءَ را ترجیح دیگ بیت۔ آئی ءَ گوشت کہ گوادر بندرگاہ ءَ بلوچستان جھان ءِ دلگوشی ءِ مرکز جوڑ کتگ، بلوچستان ءَ اقتصادی دیمروئی ءِ واستہ لوکل انڈسٹری ءَ را دیم ءَ برگ لوٹ ایت۔ جام کمال ءَ گْوشتگ کہ بلوچستان ءِ جیڑہانی گیش ءُ گیوار ءَ یک سرجمیں ءُ یکجاھیں رھبندے المی اِنت، بلوچستان ءَ دیمروی منصوبگ شَپاس کنگ لوٹ اَنت ءُ دمگی مردمانی بھر زوری ھم المی اِنت پرچا کہ بلوچستان ءِ سوبمندی گوں پاکستان ءِ سوبمندی ءَ ھمگرنچ اِنت ۔
