اسلام آباد۔14نومبر (اے پی پی): صدر ءِ مملکت آصف علی زرداری ءَ ہیپاٹائٹس ءِ ھترہ ، ایشی ءِ گر ءُ دار ءُ وھد ءِ سر ءَ علاج ءِ ارزشت ءِ بابت ءَ سرپدی ءِ تہ ءَ گیشی ءِ ضلورت ءِ سر ءَ زور پر دات ءُ گوشت کہ رسانکدر ، سول سوسائٹی ءِ ادارگ ءُ نجی شوبگ ءِ کمک ءَ گوں ۔ ما اے مول ءُ مراد ءَ سر بوت کنیں۔ مملکت ءِ صدر ءَ شکر ءِ جھان ءِ روچ ءِ موہ ءَ وتی کلوہ ءِ تہ ءَ گوشت کہ راجی ءُ میاں اوستمانی شریک آنی کمک ءَ جان سلامتی ءِ نظام ءَ را گہتر کنگ، ذیابیطس ءِ گر ءُ دار ءِ واستہ گامگیج چست کنگ ءُ آئی ءِ نادراہ آناں ھرچ ءُ درچ ءِ رد ءَ الاج ءِ پجارینگ ممکن اِنت۔ ھو آئی ءَ گوشت کہ ذیابیطس ءِ جھان ءِ روچ ھمک سال 14نومبر ءَ برجم دارگ بیت تانکہ مردم آنی تہ ءَ اے نادراھی ءِ ھترہ آنی بابت ءَ سرپدی پیداک کنگ بہ بیت۔ آئی ءَ گوشت کہ اے سال ءِ شکر ءِ جھان ءِ روچ ءِ بنگپ ’’شکر ءُ وشھالی‘‘ اِنت کہ ایشی ءَ چہ شکر ءِ گیش بوھوکیں جھان ءِ بحران ءِ گیواری ءِ ارزشت ءُ جان سلامتی ءُ وشھالی ءِ سر ءَ ایشی ءِ گہتریں اثر ءِ سر ءَ چمشانک دیگ بیت۔ صدر ءِ مملکت ءَ گوشت کہ ذیابیطس ءِ کیس آنی تہ ءَ گیشی ءِ مستریں سبب فعالیں زندمان، بے توازن وردن ءُ وردن ءِ ھوالگ ءَ جوانیں سرپدی ءِ نہ بوھگ اِنت۔ آئی ءَ گوشت کہ جان سلامتی ءِ زندمان ءِ برجائی، باقاعدہ ورزش، متوازن وردن ءُ جوانیں وزن ءِ برجائی ءَ چہ اے نادراھی ءَ را نا ایوک ءَ گر ءُ دار کنگ بیت بلکیں ایشی ءِ گر ءُ دار ھم کنگ بیت۔ آصف علی زرداری ءَ گوشت کہ مارا ذیابیطس ءِ ھترہ ءُ ایشی ءِ گر ءُ دار ءُ وھد ءِ سر ءَ علاج ءِ ارزشت ءِ بابت ءَ سرپدی ءَ را گیش کنگ لوٹ ایت ھو مارا پاکستان ءِ جان سلامتی ءِ نظام ءَ را مھکم کنگ لوٹ ایت تانکہ وتی شہری آناں ارزانیں ءُ موثر ذیابیطس ءِ ھیالداری پجارینگ بہ بیت۔ صدر ءِ مملکت ءَ گوشت کہ راجی ءُ میاں اوستمانی شریک آنی کمک ءَ چہ ما وتی جان سلامتی ءِ نظام ءَ را گہتر جوڑ کت کناں، ذیابیطس ءِ گر ءُ دار ءِ واستہ گامگیج چست کت کناں ءُ ایشی ءِ نادراہ آناں ھرچ ءُ درچ ءَ چہ جوانیں الاج ءِ پجاری ءَ را ممکن جوڑ کت کناں۔ آئی ءَ گوشت کہ ہیپاٹائٹس ءِ جھان ءِ روچ ءَ ما اے چیلنج ءَ گوں گر ءُ چیل بوھگ ءِ جزم ءَ را یک رندے پدا پدر کن ایں، ذیابیطس ءِ گر ءُ دار ءُ درمان کنگ ءِ تہ ءَ سرمایہ کاری کن ایں ما لاکھوں پاکستانی آنی زندمان ءَ را گہتر کنگ ءَ کت کناں۔
