باکو ۔13نومبر (اے پی پی): اقوام متحدہ ءِ دیمروئی پروگرام ءِ ایڈمنسٹریٹر اچیم سٹینر ءَ چار شمبے ءِ روچ ءَ آذربائیجان ءِ شہر باکو ءَ COP 29 ءِ موہ ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گند ءُ نند کت۔ درئی کارانی کارگس ءِ رد ءَ نائب مزن وزیر ءُ یو این ڈی پی ءِ ایڈمنسٹریٹر ءَ موسمی بدلی ءِ رد ءَ وتی رد ءَ ردوم زورگ ، سیلاب ءَ چہ آماچیں چاگرد ءُ پائیدار دیمروئی ءِ مول ءُ مراد آنی سرجمی ءِ واستہ کمک ءِ سر ءَ گپ ءُ تران کتگ ۔ ایشانی تہ ءَ دیمروئی کنوکیں ملک آنی مالی وسیلگ آناں رسگ ءُ اے سال ءِ 22 ءُ 23 ستمبر ءَ نیویارک ءَ برجم داشتگیں ”آؤکیں وھد ءِ سروک دیوان“ ءِ کانفرنس ءِ ساھت ءَ کتگیں وعدہ آنی سر ءَ عمل کنگ ءِ سر ءَ ھم گپ ءُ تران کنگ بوتگ۔ گند ءُ نند ءِ ساھت ءَ نائب مزن وزیر ءَ میاں اوستمانی مالیاتی ادارگ آنی تہ ءَ دیمروئی کنوکیں ملک آنی نمائندگی ءَ را گیش کنگ ءِ سر ءَ زور پر دات۔
