اسلام آباد۔13نومبر (اے پی پی): مزن وزیر محمد شہباز شریف ءَ پاکستان ءُ آذربائیجان ءِ نیام ءَ مھکمیں سیادی ءِ سر ءَ دل یکیمی ءِ درشان کنان ءَ ٹیکنالوجی ، قابل تجدید توانائی ءَ چہ یکجائی منصوبگ آنی تہ ءَ کمک ءَ را گیش گیش کنگ ءِ جزم ءِ درشان کت۔ چار شمبے ءِ روچ ءَ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ آذربائیجان ءِ صدر الہام علیف ءَ گوں جھان ءِ سروک آنی موسمیاتی کارروائی ءِ سروک دیوان (COP-29) ءِ موہ ءَ گند ءُ نند کتگ۔ مزن وزیر شہباز شریف ءَ باکو منک ورلڈ لیڈرز کلائمیٹ ایکشن سروک دیوان ءِ سوبمندیں رنگ ءَ برجم دارگ ءِ سر ءَ صدر الہام علیوف ءَ را مبارکی دات۔ آئی ءَ موسمیاتی بدلی ءِ سبب ءَ پیداکیں چیلنج آناں گوں گر ءُ چیل بوھگ ءُ اے درگت ءَ میاں اوستمانی کمک ءَ را گیش کنگ ءِ واستہ صدر الہام علیف ءِ وژن ءُ جزم ءِ توسیپ کت۔ دیوان ءِ تہا مزن وزیر ءَ گوشت کہ پاکستان زھرناکیں گیس آنی کشگ ءِ کسانیں بھر ءِ بوھگ ءَ ابید ھم موسمی مٹ ءُ بدلی ءَ چہ گیش آماچیں ملک آنی تہ ءَ ھوار اِنت۔ آئی ءَ چاگردی بدلی ءِ جیڈھ آنی سر ءَ آذربائیجان ءُ میاں اوستمانی براتی ءِ گوما کار کنگ ءِ پاکستان ءِ جزم ءِ یک رندے پدا گوشت۔ دوئیں راہشون آں پاکستان ءُ آذربائیجان ءِ وت مہ وتی سیادی ءِ درستیں تک ءُ پھناتانی سرا چار ءُ تپاسی کتگ۔ آئی ءَ پاکستان ءُ آذربائیجان ءِ نیام ءَ جتا جتائیں شوبگ آنی تہ ءَ ھاسیں رنگ ءَ اقتصادی ءُ دفاعی کمک ءِ تہ ءَ اسٹریٹجک شریکداری ءَ را گیش مھکم کنگ ءِ جزم ءِ درشان کت ءُ الس ءِ نیام ءَ سیادی ءِ ھوار دود ءُ ربیدگی سیادی ءَ را گیش مھکم کنگ ءِ جزم ءِ درشان کت۔ مزن وزیر ءَ ٹیکنالوجی، قابل تجدید توان ءِ تہ ءَ یکجائی منصوبگ آنی ھوالگ ءَ پاکستان ءُ آذربائیجان ءِ نیام ءَ مھکمیں سیادی ءِ سر ءَ دل یکیمی ءِ درشان کت۔ جتا جتائیں شوبگ آنی تہ ءَ کمک ءَ را گیش گیش کنگ ءِ عزم ءِ درشان کنگ۔ دوئیں بامرد آں میاں اوستمانی تک ءِ جاور ھال ءُ اے دگہ دمگی ءُ میان استمانی جیڈھ آنی سر ءَ ھم ھیال ریچی درشان کتگ ۔
