مزن وزیر شہباز شریف آدینگ ءِ روچ ءَ باکو ءَ سی او پی 29 کلائمیٹ ایکشن سمٹ ءَ گشتانک دنت

باکو۔13نومبر  (اے پی پی): مزن وزیر محمد شہباز شریف مرچی باکو ءَ موسمیاتی کارروائی ءِ سروک دیوان ءَ گشتانک دنت۔ مزن وزیر کارگس ءِ میڈیا ریلیز ءِ رد ءَ مزن وزیر وتی گشتانک ءِ تہ ءَ موسمی مٹ ءُ بدلی ءِ تاوان باریں آسر آنی سبب ءَ دیمروئی کنوکیں ملک آنی اقتصادی مشکل آناں پدر کنت ءُ جھان ءِ چاگردی ءُ اقتصادی زمہ واری آناں پیلو کنگ ءِ سر ءَ گپ ءُ تران کنت۔ کلائمیٹ ایکشن سروک دیوان ءَ مزن وزیر موسمی مٹ ءُ بدل ءِ سبب ءَ پاکستان ءَ را دیم ءَ اتکگیں ھوپانی سر ءَ رژنائی ءِ شنگ کنت ءُ چاگردی ھوپ آنی گر ءُ دار ءِ واستہ پاکستان ءِ گامگیج آنی بابت ءَ ھم سرپد کنت۔ مزن وزیر دیمروئی کتگیں ملکانی ذمہ واری ءُ اے درگت ءَ نوکیں فنڈ ءِ جوڑ کنگ ءِ بابت ءَ ھم گپ ءُ تران کنت۔