باکو۔12نومبر (اے پی پی): فریقین ءِ کانفرنس ءِ 29می موسمیاتی کارروائی ءِ سروک دیوان ءِ تہ ءَ بھر زوروکیں دگنیا ءِ سروک آنی گروپ فوٹو سیشن ءَ برجم دارگ بوتگ۔ ترکی ءِ صدر رجب طیب اردوان، آذربائیجان ءِ صدر الہام علیوف، اقوام متحدہ ءِ سیکرٹری جنرل انٹون گتریس اسمتھ ءُ بازیں دنیا ءِ رہشوناں کہ اے سروک دیوان ءَ بہر زورگ ءِ ھاترا اتکگ اتنت آہاں فوٹو سیشن ءَ بہر زرتگ ات۔ وھدے کہ ترکی ءِ صدر رجب طیب اردوان فوٹو سیشن ءِ ھاترا سر بوت گڑا مزن وزیر محمد شہباز شریف ءَ دیم ءَ شت ءُ آئی ءَ را وش اتک کت ءُ دست ءُ دیم کت۔ اے موہ ءِ سر ءَ مزن وزیر ءَ دگنیا ءِ بازیں سروک آنی گوما باقاعدہ گپ ءُ تران کت۔ ایشی ءَ چہ پیسر وھدے مزن وزیر سروک دیوان ءَ بھر زوری کنگ ءِ ھاترا سر بوتگ گڑا اقوام متحدہ ءِ سیکرٹری جنرل انتونیگوتریش ءُ آذربائیجان ءِ صدر الہام علیوف ءَ آئی ءَ را وش آتک کتگ۔
