باکو۔12نومبر (اے پی پی): مزن وزیر محمد شہباز شریف ءَ گلیشیر آنی رکھینگ ءِ واستہ سنگین، ھمگرنچ ءُ موثر گامگیج آنی زوتیں ضلورت ءِ سر ءَ زور پر دات ءُ گوشت کہ بنی آدم ءِ زندگ بوھگ ءِ واستہ گلیشیر آنی رکھینگ ءِ سر ءَ بندوک اِنت۔ گلیشیر آپ ءِ مزنیں وسیلگ انت، گلیشیر آنی گیش پگھل بوھگ ءِ گر ءُ دار یکجاھیں کوشست آنی کلید انت ءُ دمگی کمک، ڈیٹا ءِ بھر ءُ بانگ ءُ نگرانی ءِ جوڑ کنگ ءِ کلید انت تانکہ درستیں ملک آنی گلیشیر آنی رکھینگ ءَ را پائیدار بنیات ءِ سر ءَ گہتر کنگ ءِ واستہ پاکستان تیار انت۔ اے درگت ءَ میاں اوستمانی براتی ءِ گوما یکجا کار بہ کن اَنت۔ سئے شمبے ءِ روچ ءَ تاجکستان ءَ گلیشیر آنی رکھینگ ءِ گامگیج آنی سر ءَ مزن تک ءِ مراگش ءَ گوں تران کنان ءَ مزن وزیر شہباز شریف ءَ گوشت کہ تاجکستان ءِ صدر ءَ اے ھاسیں دیوان ءِ برجم دارگ ءِ بندات کتگ کہ ایشی ءِ تہ ءَ بھر زوروکیں ڈل ھاسیں رنگ ءَ اے دمگ ءَ پگھل بوھوکیں گلیشیر وتی موثریں شرپ ءَ دیگ ءَ اَنت۔ مزن وزیر ءَ گوشت کہ گلیشیر ءِ رکھینگ ءِ میاں اوستمانی سال ءِ موہ ءَ یک ھاسیں پیغام ءِ دیم دیگ بہ بیت کہ گلیشیر ءِ کشگ ءِ بدل ءَ ایشی ءِ پگھل بوھگ ءَ را کم کنگ، ھاسیں ماحولیاتی نظام ءِ رکھینگ ءُ آیوکیں وھد ءِ واستہ پائیداریں آپی وسیلگ آناں رکھینگ بہ بیت۔ مزن وزیر ءَ گوشت کہ پاکستان مزنیں کساس ءَ گلیشیر آنی گس اِنت، اے مزنیں ذخیرہ آنی گار ءُ بیگواہی ءِ گر ءُ دار مئے واستہ ناگزیر اِنت۔ مزن وزیر ءَ گوشت کہ گلیشیر سرجمیں دگنیا ءَ لاکھوں مردم آناں جانی انت، اے گلیشیر آنی تہ ءَ چہ 70درسد وشیں آپ دست کپ ایت، پاکستان ءَ ھپت ھزار ءَ چہ گیش گلیشیر است انت، ایشانی تہ ءَ چہ 60 ءَ چہ 80 درسد آپ ءِ تہ ءَ ھوار انت۔ سندھ دریا ءِ 90% پاکستان ءِ کشت ءُ کشاری آپ چہ ادا کیت ءُ 200 ملین مردمانی ھزمت ءَ کنت 1960 ءِ مقابلہ ءَ گلیشیر 23% کم بوتگ انت ایشی ءِ آسر ءَ اے پگھل بوھوکیں گلیشیراں چہ 3000 ءَ گیش مردم بیران بوتگ انت۔ پاکستان ءِ شمالی دمگاں چہ ایشانی تہ ءَ 33 دمگ ھما ھئور ءِ ھترہ ءَ اَنت کہ ایشی ءَ چہ مزنیں کساسے ءَ مردمانی جان ءِ ھترہ اِنت، اے جیڑھ ءِ جاور ھال اِنت ءُ زوتیں گامگیج زورگ لوٹ اِیت۔ آئی ءَ گوشت کہ ’’گلیشیر 2025 ءِ گامگیج‘‘ اے بحران ءِ نیمگ ءَ جھان ءِ دلگوشی ءِ کشگ ءِ یک انچیں کوشست اِنت، گلیشیر آنی گیش پگھل بوھگ ءِ گر ءُ دار ءِ واستہ یکجاھیں کوشست آنی ضلورت اِنت۔ مزن وزیر ءَ گوشت کہ اے زندمان ءِ وسیلگ آنی رکھینگ ءِ واستہ دمگی کمک کلیدی اِنت ءُ اے وسیلگ آناں برف ءِ پگھل بوھگ ءَ چہ رکگ سک باز المی اِنت، اے درگت ءَ سرجمیں ملک آنی تہ ءَ ڈیٹا شیئرنگ ءُ گلیشیر آنی کوالٹی ءِ نگرانی ءَ را مھکم کنگ لوٹ ایت۔ مزن وزیر ءَ گوشت کہ پاکستان ءَ گلیشیر مانیٹرنگ پروگرام، زوتیں ھال ءِ نظام، آپ ءِ جم کنگ ءِ واستہ متبادل گیواری ءُ اے دگہ گامگیج آنی واستہ گیشیں کمک ءِ ضلورت انت۔ مزن وزیر ءَ گوشت کہ پاکستان اے قدرتی وسیلگ آنی رکھینگ ءِ واستہ میاں اوستمانی براتی ءِ گوما یکجائی ءَ کار کنگ ءَ تیار اِنت توامیں ملک آناں یکجائی کنگ ءُ گلیشیر، بنی آدم ءُ سیارہ ءِ آیوکیں وھد ءِ رکھینگ ءِ واستہ ٹھوس گامگیج چست کنگ لوٹ ایت۔
