باکو۔12نومبر (اے پی پی): مزن وزیر محمد شہباز شریف ءَ وت مہ وتی شریکداری ءِ وسیلگ ءَ ڈنمارک ک ءِ گوما اقتصادی سیادی آناں گیش کنگ ءِ ضلورت ءِ سر ءَ زور پر دات وھدیکہ ڈنمارک ءِ مزن وزیر ءَ دو نیمگی اقتصادی سیادی ءُ یکجائی دلچسپی ءِ دمگی پڑ آناں گیش دیمروئی داتگ آئی ءَ وتی واھشت ءِ درشانی کتگ۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر محمد شہباز شریف ءَ باکو کوپ 29 ءِ موہ ءَ ڈنمارک مزن وزیر میٹ فریڈرکسن ءَ گوں گند ءُ نند کتگ۔ فریڈرکسن ءِ گوما دو نیمگی گند ءُ نند ءَ دوئیں سروک آں پاکستان ءُ ڈنمارک ءِ نیام ءَ ایمنی، تجارت، سرمایہ کاری، کشت ءُ کشاری، انفارمیشن ٹیکنالوجی ءُ موسمیاتی بدلی ءِ شوبگ آنی تہ ءَ کمک ءِ ضلورت ءِ سر ءَ زور پر دات، ھاسیں رنگ ءَ سبزیں ٹرانزیشن ءُ انفراسٹرکچر ءِ دیمروئی ءِ شوبگ آنی تہ ءَ سروک آں اے گپ ءِ سر ءَ تپاک کت۔ موسمیاتی بدلی ءِ زیانکاریں اثرات ءَ چہ سیارہ ءَ را رکھینگ ءِ واستہ دو نیمگی کمک ءَ را دیمروئی دیگ ءِ ھوار موسمی بدلی ءِ مستریں اولویت ءِ سر ءَ یک جھان ءِ تپاکی ءِ جوڑ کنگ ءِ ضلورت اِنت سال ءِ سرجمی ءِ حوالہ ءَ مزن وزیر ءَ اقتصادی دیمروئی ءِ ضلورت ءِ سر ءَ زور پر دات۔ باہمی شراکت داری ءِ وسیلگ ءَ تعلقاتاں یکجاہ کار کنگ ءِ واھشت ءِ درشانی کتگ۔
