ریاض۔11نومبر (اے پی پی): مزن وزیر محمد شہباز شریف ءَ غزہ ءَ جنگ بندی ءِ لوٹ کتگ، میاں اوستمانی آمید گس ءِ فیصلہ ءِ سرا عمل کنگ ءُ اسرائیل ءَ را اقوام متحدہ ءِ تہا آئی ءِ باسک بوھگ ءِ سرا زوت بندش جنگ ءِ لوٹ کتگ۔ یک سرجمیں چار ءُ تپاسی ءِ لوٹ اِنت بلے فلسطینیانی بے مٹیں کمک ءِ پجارینگ المی اِنت ءُ پاکستان فلسطینی راج ءِ ھکانی ھاترا وتی توار ءَ چست کنگ ءَ برجاہ دار اِیت۔ آئی ءَ اے کمی آنی درشانی ادا پیراک ءَ عرب اسلامک – سروک دیوان ءَ گوں تران کنان ءَ کت کہ ایشی ءِ تہ ءَ غزہ ءُ فلسطین ءِ نیمگ ءَ میاں اوستمانی جاور ھال آنی سر ءَ چار ءُ تپاسی کنگ بیت۔ مزن وزیر ءَ وتی گشتانک ءِ بندات قرآن پاک ءِ مبارکیں آیت ءَ گوں کت۔ آئی ءَ حرام مقدس ءِ نگہبان شاہ سلمان بن عبدالعزیز السعود ءُ سعودی ولی عہد ءُ مزن وزیر محمد بن سلمان ءَ را عرب اسلامی سروک دیوان ءِ برجم دارگ ءِ ھاتر ءَ شگر ءُ منت گپت ءُ گوشت کہ گوستگیں یک سال ءَ چہ غزہ ءُ مقبوضہ فلسطین ءَ بوتگ۔ ادا گرسنگی، گریبی ءُ قحط ءِ آباد بوتگ انت، اسرائیل ءَ غزہ ءِ سرا زوراکی ءِ دراہیں حد ءُ سیمسراں چہ ٹپ اتگ، ہزاراں مردم شہید بوتگ انت وہدے کہ میلیوناں مردم بے لوگ بوتگ انت، ہسپتال ٹپیانی سرا بمب تراکی کنگ بوہگ ءَ انت، فلسطینیانی سرا مدایا ءُ انٹرنیشنل ءِ سرا بربریت برجاہ انت۔ آمید گس ءَ نسل کشی ءِ جار جتگ، داں کدی میان استمانی براتی اے جاوراں وتی چماں بند کنت؟ مزن وزیر ءَ گوشت کہ روچ ءِ گوزگ ءَ گوں اسرائیل ءِ نیمگ ءَ میاں اوستمانی کنونشن ءُ ارزشت آنی ھلاپ ورزی کنگ بوھگ ءَ اِنت، جنگ بندی ءُ انسانی کمک ءِ انسانی کمک ءِ رسگ ءُ رکھینگ ءِ لوٹ کنگ بوھگ ءَ اِنت بلے غزہ ءِ تہ ءَ لوگ … تباہ بوتگ اے جاور ءِ باوجود اسرائیل ءَ نوکیں سلاہانی رسگ برجاہ اِنت کہ ایشی ءِ بے شرطیں حمایت ءُ رکھینگ ءِ ثبوت اِنت، انگت ءَ میان استمانی انسانی قانون مظلوم ءِ ھلاپ ءَ اے وڑیں کارانی اجازت نہ دنت۔ مزن وزیر ئَ گوشت کہ غزہ ئَ ھون ئِ رنگ اِنت ئُُ میاں اوستمانی براتی بے تواریں تماشائی ئِ رنگ ئَ اِنت۔ مزن وزیر ءَ فلسطین ءِ وت واجہی ءِ ھک ءِ سر ءَ پاکستان ءِ جزم ءِ پدا پدر کنان ءَ گوشت کہ پاکستان یک آزات ءُ آجوئیں فلسطین ءِ ریاست ءِ حمایت ءَ برجاہ دار ایت کہ آئی ءِ بنجاھی شھر القدس الشریف بہ بیت ءُ آئی ءِ سیمسر 1967ءَ چہ پیسر بہ بنت، پاکیں سرزمین۔ من دائمی امن ءُ انصاف ءِ ضمانت آں ۔ مزن وزیر ءَ گوشت کہ پاکستان ایران ءِ سر ءَ گوستگیں 7 اسرائیل ءِ اُرش آناں مذمت کنت کہ ایشی ءِ یکوئی ءُ سرزمین ءِ وت واجہی ءِ ھلاپ ورزی اِنت، پاکستان لبنان ءَ اسرائیل ءِ فوجی زوراکی ءَ را ھم مذمت کنت ءُ اودا بے گناہیں الس ءَ گوں دلپدردی ءِ درشانی کنت۔ مزن وزیر ئَ گوشت کہ غزہ ئَ چہ جنگ بندی ئِ ترندیں ضلورت اِنت، اسرائیل کمک ئِ بند کنگ ئَ سلاھ ئِ رنگ ئَ کارمرد کنگ ئَ اِنت، بلے فلسطین ئَ را وردن ئُُ درمان ئِ بے رکاوٹ ئَ پُجاری کنگ المی اِنت۔ مزن وزیر ءَ گوشت کہ پاکستان فلسطینی اُلس ءِ ھک آنی واستہ وتی توار چست کنگ ءَ برجاہ دار ایت، یک آزات ءُ آزاتیں فلسطینی ریاست ءِ جوڑ کنگ المی اِنت، اسرائیل ءِ توسیپ پسندیں عزائم امن ءَ را ھترناک نہ کن اَنت، ءُ سپلائی ءِ سر ءَ ترندیں بندش جنگ بہ بیت۔ ناشرکارانی اسرائیل ءَ را جنگی جرم ءِ سبب ءَ انصاف ءِ دیم ءَ آرگ بہ بیت، انصاف ءِ میان استمانی آمید گس ءَ ھم غزہ ءِ بابت ءَ وتی فیصلہ داتگ، انصاف ءِ میان استمانی آمید گس ءِ فیصلہ ءِ نفاذ کنگ بہ بیت، ءُ اسرائیل ءِ اقوام متحدہ ءِ باسک بوھگ ءِ جار جنگ بہ بیت۔ ءِ سر ءَ سرجمیں رنگ ءَ چار ءُ تپاسی کنگ بہ بیت۔ مزن وزیر ءَ گوشت کہ ایوک ءَ مذمت ءَ چہ دیم ءَ روگ ءَ کانفرنس ءَ چست بوتگیں توار آناں عملی رنگ ءَ آرگ المی اِنت، دعا کنگ بہ بیت کہ فلسطین ءِ آجوئی ءِ روچ زوت در بئیت۔
