اسلام آباد۔11نومبر (اے پی پی): صدر آصف علی زرداری ءَ 31 اکتوبر ءَ ٹپی بوھگ ءَ پد چین ءِ صدر شی جن پنگ ءِ دل ءِ جہلانکی ءَ چہ دلپدردی درشان کتگ۔ ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ جمہوریہ چین ءِ صدر ءَ 3 نومبر ءَ یک نمدی یے دیم داتگ کہ آئی ءِ تہ ءَ صدر آصف علی زرداری ءِ ٹپ ءِ سر ءَ دلپدردی ءِ درشان کنگ بوتگ ءُ صدر ءِ زوت جان سلامتی ءِ واھشت ءِ درشانی کنگ بوتگ۔ نمدی ءِ تہ ءَ آئی ءَ پاکستان ءُ چین دوستی ءِ گہتری ءِ سر ءَ زور پر دات ءُ صدر ءَ را وت مہ وتی وشیں وھد ءَ چین ءِ تر ءُ تاب ءِ واستہ گرمیں رنگ ءَ دعوت دات۔ صدر ءِ مملکت آصف علی زرداری ءَ صدر ءِ مملکت ءِ نیمگ ءَ چہ نیک نیکیں کلوہ ءِ سر ءَ منت واری ءِ درشان کنان ءَ گوشت کہ چن ءِ سروکی ءُ الس ءِ نیمگ ءَ چہ وشھالی ءِ کلوہ آنی سر ءَ سک باز متاثر بوتگ۔ صدر ءِ مملکت ءَ گوشت کہ آیوکیں وھد ءَ آ یک جوانیں تاریخ ءِ سر ءَ چین ءِ تر ءُ تاب ءَ کنت ایشی ءَ چہ دوئیں ملک آنی نیام ءَ دیریں ءُ آہنی سیادی ءَ را گیش مھکم کنگ بیت۔ دوئیں رہشون آں پاکستان ءُ چنائی ءِ نیام ءَ ’’آل ویدر اسٹریٹجک کوآپریٹو پارٹنر شپ‘‘ ءِ ارزشت ءِ سر ءَ زور پر دات۔ صدر شی جن پنگ ءَ یکجائی پاکستانی کمیونٹی ءِ جوڑ کنگ ءِ جزم ءِ سر ءَ زور پر دات کہ ایشی ءِ تہ ءَ نوکیں دراج مدت ءِ یکجائی آیوکیں باندات ھوار اِنت۔ مملکت ءِ صدر ءَ پاکستان ءُ چین ءِ سیادی ءَ را دیما برگ ءِ واستہ مہربانی، سخاوت ءُ کمک ءِ پد ءَ صدر شی جن پنگ ءِ شگر ءُ منت گپت۔
