اسلام آباد۔11نومبر (اے پی پی): بنجاھی وزیر خزانہ ءُ آمدنی سینیٹر محمد اورنگزیب ءَ جمہوریہ ترکی ءِ سفیر عرفان نظیر اوگلو ءَ گوں گند ءُ نند کت۔ گند ءُ نند ءَ دوئیں ملک آنی نیام ءَ راجدپتری براتی سیادی آنی سر ءَ زور پر دات ءُ ھاسیں رنگ ءَ تجارت، سرمایہ کاری ءُ دفاع ءِ شوبگ آنی تہ ءَ کمک ءِ تہ ءَ گیشی ءِ سر ءَ ھیال ریچی کنگ بوت۔ سینیٹر اورنگزیب ءَ عرفان نظیر اوغلو ءَ را وتی سفارتی ذمہ واری آنی سر ءَ وش اتک کت ءُ پاکستان ءُ ترکی ءِ سیادی ءَ را گیش پراھی کنگ ءِ ارزشت ءِ سر ءَ زور پر دات۔ آئی ءَ واشنگٹن ڈی سی ءَ گوستگیں ورلڈ بینک گروپ / آئی ایم ایف ءِ سالانہ دیوان 2024 ءِ ساھت ءَ وتی گند ءُ نند ءِ ھم حوالہ دات کہ ایشی ءِ تہ ءَ بجلی ءِ شوبگ ءِ اصلاحات ءِ تہ ءَ ترکی ءِ تجربگ ءَ چہ فائدہ چست کنگ بوتگ۔ پاکستان ءِ انفارمیشن ٹیکنالوجی ءُ کشت ءُ کشاری ءِ شوبگ ءَ چہ دوئیں ملک آناں وت مہ وتی آسراتی ءِ سبب جوڑ بیت۔ ترکی ءِ سفیر ءَ پاکستان ءِ اقتصادی اصلاحات ساڑاتگ انت ءُ سیادی ءَ را گیش مھکم کنگ ءِ واستہ سرجمی ءَ کمک ءِ دل یکیمی کتگ۔
