اسلام آباد۔ 11 نومبر (اے پی پی) بنجائی وزیر خزانہ و ریونیو سینیٹر محمد اورنگزیب تون ڈنمارک اٹی پاکستان نا سفیر شعیب سرور دوشنبے نادے آ داڑے فنانس ڈویژن اٹی اوڑدہی کرے۔ اوڑدہی ٹی پاکستان و ڈنمارک نا نیام اٹ تعلقداری تے مون آ دننگ ، خاص وڑاٹ واپار و زرگزرانی شریداری نا چندی پلوآتیا گپ وتران کننگا۔ بنجائی وزیر پاکستان نا راجی و اقتصادی شونداری ٹی پردیسی تا کڑد انا ستاءِ کرے و اوفتے پین سوگو کننگ نا گام گیج آتیا زور شاغا۔ شعیب سرور وزیرخزانہ ءِ ہڑتوم آملک آتا ساڑی آ تعلقداری وواپاری کمکاری نا پوسکن آ وارخواہی تا بارواٹی معلومدار کرے۔ اوڈنمارک اٹی رہینگوک پاکستانی کمیونٹی نا خذمت و اوفتا کمک اٹ ہڑتوم آملک آتا نیام اٹ واپار و دودوربیدہ ئی رابطہ غاتے مون آ دننگ ءِ ہم مون آ تخا۔
