اسلا م آباد۔ 11 نومبر (اے پی پی) وزیراعظم نا کوآرڈ ینیٹر موسمیاتی بدلی و چاگڑدی رابطہ رومینہ خورشید عالم نا کماشی ٹی اسہ ڈل اس کوپ۔29 اٹی بشخ ہلنگ کن آذربائیجان نا دارالحکومت باکو آ سرمسنے۔ دوشنبے نادے آ جاری بیان نا رداٹ ڈل اٹی پارلیمانی سیکرٹری وزارت موسمیاتی بدلی عتیق الرحمان، بڑزکو کمامدار، پولکار، سائنسدان و ایلو موسمیاتی چاہندار آک اوار ءُ۔ رومینہ خورشید عالم باکو آ سرمننگ آ پارے کہ پاکستان موسمیاتی مطابقت پذیری و چاگڑدی سوگوی کن ملک اٹی کروک آ تخفیف و موافقت نا گام گیج آتے تالان کیک۔ اوپارےکہ پاکستان علاقائی و جہانی شریدار آتون کمکاری نا پوسکن ءُ وارخواہی پٹنگ نا کوشست کیک، موسمیاتی خطرہ غاتون مون تننگ کن ساڑی حکومت نا جاری گام گیج آتے دا جہانی موسمیاتی کانفرنس اٹ تالان کیک۔ وزیراعظم نا کوآرڈی نیٹر چندی ملک آتا ڈل آتون اوڑدہی ہم کیک تانکہ پدتموک ملک آتا چاگڑدی فنانس نا ایجنڈا ءِ مون آ دننگ مرے۔
