اسلام آباد۔ 11 نومبر (اے پی پی) چیئرمین سینیٹ سید یوسف رضاگیلانی پارینے کہ اینو ننے موسمیاتی بدلی کون آ مون آ بروک چیلنج مون تروک ءِ، ساڑی آ دور انا چیلنج آتون مون تننگ کن گچین حکمت عملی و اجتماعی کوشست درکار ءِ۔ اسلام آباد اٹی دہ می نیشنل پارلیمانی ڈویلپمنٹ کورس انا بشخ ہلوک آتیان تران کرسا یوسف رضاگیلانی پارےکہ جمہوری نظام اٹی پارلیمان تون پارلیمنٹ اٹی کاریم کروک آ آفیسر و کارندہ غاتا اہم کڑد اس مریک۔ داوڑنا کورس آتیان آفیسر و کارندہ غاتا کاریم نا کچ ءِ ودفنگ اٹ کمک رسینگک۔ اوپارے کہ کورس آن پبلک پالیسی و کانود سازی نا ہم گچین آگاہی ملک۔ اومیت ءِ کہ کورس اٹی شریک آفیسر آک گچین وڑاٹ خڑچ کیرہ۔ نیشنل پارلیمانی ڈویلپمنٹ کورس اٹی قومی اسمبلی، سینیٹ ، ہرچار آ صوبائی اسمبلی، آزاد کشمیر کانود سا زاسمبلی ، آزاد کشمیر کانود ساز اسمبلی و گلگت بلتستان اسمبلی نا گریڈ۔ 17 نا آفیسر آک بشخ ہلکر۔
