اسلام آباد۔ 11 نومبر (اے پی پی) بنجائی وزیرخزانہ سینیٹر محمد اورنگ زیب پارینے کہ آئی ٹی نا بشخ اٹی مروک آ شونداری پاکستان کن گیم چینجر اس جوڑ مریک ۔ کراچی ٹی پاکستان اسٹارٹ اپ سمٹ کن ویڈیو کلہو اٹی وزیرخزانہ محمد اورنگزیب پارے کہ زرگزرانی شونداری ءِ گچین کننگ کن ادارہ غاتا نیام اٹ رابطہ سوگو مننگ بے کچ المی ءِ ۔ اوپارے کہ زرگزرانی شونداری ءِ مون آ دننگ کن ادارہ غاتا نیام اٹ خڑکی رابطہ و ہم گرنچی بے کچ المی ءِ۔ ہراتم چندی حکومتی، مالیاتی ، و کاروباری ادارہ غاک اسہ ایلو تون گچین وڑاٹ رابطہ ٹی مریرہ، تو اوڑآن ڈٹ بندی و عملدرآمد نا رفتار اٹی گچینی بریک۔ داڑآن نئے بیرہ فیصلہ غاک زوت مریرہ بلکن وسیلہ غاتا سہی و گچین کاریم اٹ اتنگ ہم ممکن مریک، ہرا اقتصادی شونداری ءِ ودفنگ اٹ اہم کڑد ادا کیک۔ اوپارے کہ ادارہ غاتا نیام اٹ سوگو رابطہ و کمکاری پالیسی تا نفاذ، زرکارآتا آسراتی، و السی آسودہی نا پروگرام تیٹی سرسہبی ءِ پک کننگ کیک۔ بنجائی وزیر خزانہ محمد اورنگزیب پارے کہ حکومت نا کاریم پالیسی فریم ورک ءِ، زرگزران نا گچینی کن غٹ ءِ کڑد ادا کروئی مریک۔ اوپارے کہ گڑاتے گچین کننگ کن ادارہ غاتا نیام اٹ رابطہ سوگو مننگ بھاز المی ءِ، آئی ٹی نا کمک اٹ ہی مون آ دننگ مریک، مالیاتی شمولیت اٹ ٹیکنالوجی بھاز اہم کڑد ادا کیک۔ محمد اورنگزیب پارےکہ تدوک آ ہفتہ ریاض اٹی سعودی عرب نا فرمانرواشاہ سلمان بن عبدالعزیز تون اوڑدہی مس، ریاض اٹی اڈ ہلوک کانفرنس نا تھیم آرٹیفشل سپر انٹیلی جنس ئس۔ وزیرخزانہ نا پاننگ ئس کہ جہانی کہول آ سرمایہ نا فراوانی ٹی تکنیکی درستگی بسنے، زرگزران اٹی گچینی کن گام گیج اولیت ءِ، گڑاک جوان مننگ ءُ ولے غٹ ءِ تینا کڑد ءِ ادا کروئی مریک۔ اومستی پارے کہ حکومت نا کاریم پالیسی فریم ورک و اوٹی تسلسل ءِ برقرارتخوئی ءِ، نجی بشخ آتا زمواری ءِ کہ او کاریم تے ودکی ایتے۔
