انفارمیشن گروپ ءِ 51می مشترکہ تربیتی پروگرام ءِ آزمائشی افسر آنی مزن وزیر محمد شہباز شریف ءِ گوما گند ءُ  نند

اسلام آباد۔9نومبر  (اے پی پی): مزن وزیر محمد شہباز شریف ءَ گوشت کہ حکومت ءُ  الس ءِ نیام ءَ فرق ءِ ھلاسی، ساپ  ءُ سلہ  ائی   ءَ را دل یکیمی کنگ ءُ  اعتماد ءِ دیمروئی ءِ واستہ انفارمیشن گروپ ءِ افسر آنی کرد المی اِنت۔ شمبے ءِ روچ ءَ ونگ ءَ انفارمیشن گروپ ءِ 51می مشترکہ تربیتی پروگرام ءِ آزمائشی افسراں مزن وزیر گس اسلام آباد ءَ مزن وزیر محمد شہباز شریف ءَ گوں گند ءُ  نند کت۔ آزمائشی افسر وتی تربیت ءِ سرجم کنگ ءَ پد وزارت ءِ جتا جتائیں ادارگ آنی تہ ءَ جاہ ءِ ودار ءَ اَنت۔ گند ءُ نند ءَ بنجاھی  وزیر اھوالکاری عطا اللہ ترار ءُ بنجاھی  سیکرٹری اھوالکاری ءُ نشریات انبرین جان ھم ساڑی ات۔ مزن وزیر ءَ افسر آں گوں گرمیں وش اتک کت۔ گند ءُ  نند ءِ ساھت ءَ گشتانک دیان ءَ آئی ءَ گوشت کہ حکومت ءُ  الس ءِ نیام ءَ فرق ءَ را گیش کنگ، شفافیت ءَ را دل یکیمی کنگ ءُ  اعتماد ءِ دیمروئی ءِ تہ ءَ انفارمیشن گروپ ءِ افسر آنی ھاسیں کرد انت۔ آئی ءَ افسر آناں دلبڈی دات ءُ  امیت سہرا کت کہ درستیں افسر ایمانداری، پیشہ وارانہ ءُ  السی وشھالی ءِ واستہ مھکمیں عزم ءِ گوما وتی فرض ءَ پیلو کن اَنت۔ افسر آناں ملک ءِ دیمروئی ءُ  الس ءِ وشھالی ءِ تہ ءَ وتی کرد پیلو کنگ ءِ وتی عزم ءِ پدا پدر کت مزن وزیر ءَ آزمائشی افسر آناں راجی یکوئی ءِ دیمروئی ءُ  شہری آناں حکومتی ھاسیں گامگیج آنی بابت ءَ سرپدی دیگ ءِ ہدایت کت۔ انفارمیشن گروپ ءِ اهمیت۔ آئی ءَ آزمائشی افسر آناں جمہوری عمل ءِ تہ ءَ السی بھر زوری ءَ را گیش کنگ ءِ واستہ نوکیں مواصلاتی وسیلگ آناں کارمرد کنگ ءِ تہ ءَ سرگرم بوھگ ءِ واستہ دلبڈی دات۔