اسلام آباد۔9نومبر (اے پی پی): مزن وزیر محمد شہباز شریف ءَ گوشت کہ بیا اِت ما مرچی علامہ اقبال ءِ وژن ءِ رندگیری ءِ وعدہ ءَ بہ کن ایں، انصاف، برابری ءُ برتری ءِ آدرش آنی سر ءَ راج ءِ جوڑ کنگ ءِ وعدہ بہ کن ایں ۔ مرچی ما رژنائیں شاعر ءُ فلسفی ڈاکٹر علامہ محمد اقبال ءَ آئی ءِ سالروچ ءِ درگت ءَ آئی ءَ را شرپ ءُ شان کنیں۔ مزن وزیر محمد شہباز شریف ءَ شمبے ءِ روچ ءَ علامہ محمد اقبال ءِ سالروچ ءِ درگت ءَ سوشل میڈیا پلیٹ فارم ایکس ءِ سر ءَ وتی پوسٹ ءِ تہ ءَ گوشت کہ آئی ءِ ھیال ءُ لیکہ آنی سر ءَ مئے راج ءِ رویہ ءِ سر ءَ مزنیں اثر بوتگ ءُ آ مئے واستہ چراگ اِنت آ اَنت۔ یک انچیں راہ ءِ کرد ءَ پیلو کنگ کہ مارا پاکستان ءِ دیمروئی ءُ استحکام ءِ ھاتر ءَ بے مٹیں کار کنگ ءِ ھاتر ءَ دلبڈی دنت۔ مزن وزیر ءَ گوشت کہ علامہ محمد اقبال ءِ شاعری نہ ایوک ءَ وتی وھد ءِ آدینک اِنت بلکینگ ءَ عمل ءُ وت مہ وتی پجار ءِ ابدمانیں دعوت اِنت۔ آئی ءَ ورنا آنی سر ءَ زور پر دات کہ آ بے مٹیں ایمان ءُ محنت ءِ وسیلگ ءَ میڈیوکریٹی ءَ چہ مزنی ءِ نیمگ ءَ سر بہ بنت۔ مزن وزیر محمد شہباز شریف ءَ ھم وتی پوسٹ ءَ علامہ محمد اقبال ءِ ردیں شعر ایر کتگ اَنت۔
تمنا آبرو کی ہو اگر گلزارِ ہستی میں
تو کانٹو ں میں الجھ کر زندگی کرنے کی خو کر لے
نہیں یہ شان خودداری ہیں، چمن سے توڑ کر تجھ کو
کوئی دستارڑ میں رکھ لے، کوئی زیبِ گلو کرلے
مزن وزیر محمد شہباز شریف ءَ گوشت کہ ما علامہ اقبال ءِ سالروچ ءَ برجم دارگ ءَ ایں، بیا اِت کہ ما مرچی وتی زند ءَ علامہ اقبال ءِ وژن ءِ رندگیری کنگ ءِ وعدہ ءَ بہ کن ایں ءُ یک انچیں راج ءِ جوڑ کنگ ءَ کہ ایشی ءِ بنیات علامہ محمد اقبال ءِ انصاف، برابری ءِ ٹوھیں شرپ ءُ ازت ءِ لیکہ ءِ درشان ءَ کنت۔
OAB, 06:09
